వైకాపా ప్రభుత్వం అమరావతి ఉద్యమాన్ని నీరు గార్చాలని ప్రయత్నిస్తోందని తేదేపా నేతలు ఆరోపించారు. అమరావతి ఉద్యమం ప్రారంభమై ఏడాదైనా రైతులు ఏ మాత్రం వెనక్కి తగ్గట్లేదని అన్నారు. జనభేరి కార్యక్రమంలో తెదేపా నేతలు పాల్గొని అమరావతి ఉద్యమానికి మద్దతు తెలిపారు.
అమరావతి రైతుల కోసం ఎంతవరకైనా పోరాడేందుకు సిద్ధమని ఎంపీ గల్లా జయదేవ్ స్పష్టం చేశారు. అనేక వేధింపులను తట్టుకుని రైతులు, మహిళలు అమరావతి ఉద్యమం సాగిస్తున్నారని అన్నారు. అక్రమ కేసులు పెట్టినా వెనక్కి తగ్గలేదన్నారు. అమరావతి ఉద్యమం చరిత్రలో నిలిచిపోతుందని గల్లా జయదేవ్ అన్నారు. వైకాపా ప్రభుత్వంలో అప్పులు పెరిగిపోయాయని.. రాష్ట్రంలో ఆస్తులన్నీ అమ్మేందుకు ప్రణాళికలు చేస్తున్నారని ఆయన ఆరోపించారు.
జనభేరి కార్యక్రమంలో మాట్లాడుతున్న తెదేపా నేతలు