గవర్నర్​తో శ్రీలంక హైకమిషనర్ భేటీ

శ్రీలంక హై కమిషనర్ ఆస్టిన్ ఫెర్నాండో... గవర్నర్ బిశ్వభూషణ్ హరిచందన్ ను..... మర్యాద పూర్వకంగా కలిశారు. రాష్ట్ర పరిస్థితులు..పెట్టుబడులపై సానుకూలతలు... విశిష్ఠ బౌద్ధ క్షేత్రాల గురించి ఫెర్నాండోకు గవర్నర్ వివరించారు.

రాజ్ భవన్ లో గవర్నర్ బిశ్వ భూషణ్ హరిచందన్ ను శ్రీలంక హై కమిషనర్ ఆస్టిన్ ఫెర్నాండో మర్యాదపూర్వకంగా కలిశారు. ఈ సందర్భంగా రాష్ట్రంలోని విశిష్ఠ బౌద్ధ పుణ్య క్షేత్రాల గురించి శ్రీలంక హైకమీషనర్ కు గవర్నర్ వివరించారు. శ్రీలంక, ఆంధ్రప్రదేశ్ మధ్య పర్యాటక రంగం అభివృద్ధికి సహకరించాలని బిశ్వ భూషణ్ కోరారు.
ఇటీవల విజయవాడలో నిర్వహించిన ‘డిప్లొమాటిక్ ఔట్ రీచ్ కార్యక్రమం గురించి సైతం కమిషనర్ కు గవర్నర్ వివరించారు. రెండవ అతి పెద్ద సముద్ర తీరం కలిగిన ఏపీ... పెట్టుబడులకు అన్ని విధాలా అనుకూలమని తెలిపారు. సింగల్ విండో విధానం ద్వారా త్వరితగతిన అనుమతులు ఇవ్వనున్నట్లు బిశ్వభూషణ్ స్పష్టం చేశారు. అనేక రంగాలలో శ్రీ లంక, భారత్ ల మధ్య సత్సంబంధాలున్నాయని... శ్రీలంక హై కమిషనర్ పేర్కొన్నారు. అనంతరం గవర్నర్ హరిచందన్ ను మెమెంటోతో సత్కరించారు.

ఇవీ చూడండి-ఎండిన పైరు.. బకెట్లతో పంటకు నీరు..రైతు దుస్థితి