వైఎస్ షర్మిలను అదుపులోకి తీసుకున్న పోలీసులు
మేడ్చల్ జిల్లాలోని పీర్జాదిగూడలో వైఎస్ఆర్టీపీ అధ్యక్షురాలు వైఎస్ షర్మిల (YSRTP President YS Sharmila)ను పోలీసులు అదుపులోకి తీసుకున్నారు. షర్మిల నిరుద్యోగ దీక్ష( YS Sharmila Hunger Strike On Unemployment)కు అనుమతి లేదని పోలీసులు స్పష్టం చేశారు. అయినా సరే షర్మిల దీక్షకు దిగేందుకు యత్నించగా అదుపులోకి తీసుకున్నారు.
పోలీసుల తీరును నిరసిస్తూ ఆ పార్టీ శ్రేణులు వరంగల్-హైదరాబాద్ రహదారిపై ఆందోళనకు దిగాయి. నాయకులు, కార్యకర్తలు ప్రభుత్వానికి వ్యతిరేకంగా నినాదాలు చేశారు. రహదారిపై వాహనాలు ఆగడంతో కాసేపు ఉద్రిక్తత నెలకొంది.