స్థానిక సంస్థల కోటాలోని 11 ఎమ్మెల్సీ స్థానాల భర్తీకి ఎన్నికల సంఘం షెడ్యూల్ విడుదల చేసింది. ఈ స్థానాల భర్తీకి ఈనెల 16న నోటిఫికేషన్ విడుదల కానుంది. నామినేషన్ల దాఖలుకు ఈనెల 23 చివరి తేదీ కాగా.. ఉపసంహరణకు ఈనెల 26వ తేదీని గడువుగా నిర్ణయించారు. డిసెంబర్ 10న ఉదయం 8 నుంచి సాయంత్రం 4 వరకు పోలింగ్ జరగనుంది. డిసెంబర్ 14న ఎమ్మెల్సీ ఎన్నికల ఓట్ల లెక్కింపును చేపట్టనున్నారు.
జిల్లాల్లోని స్థానాలు ఇలా..
అనంతపురం, చిత్తూరు, కృష్ణా, ప్రకాశం, తూ.గో, విజయనగరం, విశాఖ జిల్లాల్లో ఒక్కో స్థానానికి ఎన్నిక నిర్వహించనున్నారు. ఇక గుంటూరు జిల్లాలో 2 ఎమ్మెల్సీ స్థానాలకు ఎన్నికలు జరగనున్నాయి.
ఎమ్మెల్యే కోటాలోని స్థానాలకు నోటిఫికేషన్
రాష్ట్రంలో 3 ఎమ్మెల్సీ స్థానాల ఎన్నిక కోసం నోటిఫికేషన్ జారీ (notification issued for 3 MLC seats in ap news) అయింది. ఎమ్మెల్యే కోటాలోని 3 ఎమ్మెల్సీ స్థానాలకు ఎన్నికలు నిర్వహించనున్నారు. ఈ నెల 16న మధ్యాహ్నం 3 వరకు నామినేషన్లు స్వీకరించి.. 17వ తేదీన నామినేషన్లను పరిశీలిస్తారు.
నామినేషన్ల ఉపసంహరణకు 22వ తేదీ మధ్యాహ్నం 3 వరకు గడువు ఇచ్చారు. ఈ నెల 29 తేదీన ఉదయం 9 గంటల నుంచి సాయత్రం 4 గంటల వరకూ పోలింగ్ జరగనుంది. ఎన్నికలకు సంబంధించి రిటర్నింగ్ అధికారిగా అసెంబ్లీ డిప్యూటీ కార్యదర్శి సుబ్బారెడ్డిని నియమిస్తూ ఈసీ(ఎన్నికల కమిషన్) ఆదేశాలు జారీ చేసింది.
ఇదీ చదవండి:
అనంతపురంలో విద్యాసంస్థల బంద్.. పోలీసులు, కార్యకర్తల మధ్య తోపులాట
