KRMB three member committee Meeting: తెలంగాణ, ఆంధ్రప్రదేశ్ రాష్ట్రాలకు ప్రస్తుత ఏడాదిలో కృష్ణా జలాల విడుదలపై చర్చించేందుకు.. కృష్ణా నదీ యాజమాన్య బోర్డు త్రిసభ్య కమిటీ ఈనెల 9న సమావేశం కానుంది. రెండు రాష్ట్రాల్లో రబీ సాగునీటి అవసరాలు, వేసవిలో తాగునీటి అవసరాలపై చర్చించి, లభ్యత ఆధారంగా ఇరు రాష్ట్రాలకు నీటిని కేటాయించాలని కృష్ణా బోర్డు నిర్ణయించింది. ఈ నేపథ్యంలోనే బోర్డు సభ్య కార్యదర్శి డీఎం రాయిపురే, తెలంగాణ ఈఎన్సీ మురళీధర్, ఆంధ్రప్రదేశ్ ఈఎన్సీ నారాయణరెడ్డి ఆన్‌లైన్‌లో సమావేశం కానున్నారు.
KRMB meeting on water release: ప్రస్తుత సంవత్సరం (2021-22)లో రెండు రాష్ట్రాల అవసరాలు, అందుకు అనుగుణంగా నీటి విడుదలపై సమావేశంలో చర్చించనున్నారు. ఉమ్మడి జలాశయాలైన శ్రీశైలం, నాగార్జునసాగర్‌లో ఉన్న నీటి లభ్యతను దృష్టిలో ఉంచుకొని.. సాగు, తాగు నీటి అవసరాల కోసం నీటిని విడుదల చేయడంపై చర్చించి ఆదేశాలు జారీ చేయనున్నారు.