JAWAD CYCLONE: తుపాను కారణంగా పోటీ పరీక్షలు వాయిదా

cyclone effect: రాష్ట్రంలో తుపాన్ కారణంగా రైళ్ల రద్దు, పాఠశాలల బంద్​తో పాటు... జాతీయ పరీక్షల విభాగం నిర్వహించే యూజీసీ-నెట్ పరీక్షను కూడా వాయిదా వేశారు. ఎపీ, ఒడిశా, పశ్చిమ బెంగాల్​లో పరీక్షలు ఎప్పుడు నిర్వహించబోయేది త్వరలోనే ప్రకటిస్తామన్నారు.

exams postpone due to cyclone: జవాన్ తుపాను కారణంగా శనివారం జరగాల్సిన యూజీసీ-నెట్ పరీక్షను జాతీయ పరీక్షల విభాగం వాయిదా వేసింది. ఇండియన్ ఇన్​స్టిట్యూట్​ ఆఫ్ ఫారిన్ ట్రేడ్(ఐఐఎఫ్​లో) ఎంబీఏ ప్రవేశాలకు నిర్వహించే ప్రవేశ పరీక్షను సైతం జాతీయ పరీక్షల విభాగం వాయిదా వేసింది. మొదట ప్రకటించిన షెడ్యూల్ ప్రకారం ఈ నెల 5న దేశవ్యాప్తంగా పరీక్ష నిర్వహించాల్సి ఉండగా... తుపాను ప్రభావముండే ఏపీ, ఒడిశా, పశ్చిమ బెంగాల్​లో వాయిదా వేసింది. తదుపరి తేదీలను త్వరలో ప్రకటించనున్నట్లు తెలిపింది.

తుపాన్ ప్రభావమెప్పుడు..

రాష్ట్రంలో జవాద్ తుపాను ఆదివారం మధ్యాహ్నానికి ఒడిశాలోని పూరీ వద్ద తీరం దాటే అవకాశం ఉన్నట్టు అధికారులు అంచనా వేస్తున్నారు. తీరం దాటాక బంగాళాఖాతం వైపు వెళ్తుందని ఒడిశా ప్రత్యేక సహాయ కమిషనర్ పీకే జెనా తెలిపారు. ఈ నేపథ్యంలో శ్రీకాకుళం, విజయనగరం, విశాఖపట్నం జిల్లాలతో పాటు ఒడిశాలోని గంజాం, గజపతి, పూరీ, జగత్‌సింగ్‌పుర్‌ జిల్లాల్లో అధికారులు శనివారానికి రెడ్‌ ఎలర్ట్‌ జారీ చేశారు. తీరం వెంబడి గాలుల వేగం పెరిగే అవకాశం ఉందని... ఏపీ విపత్తుల నిర్వహణ సంస్థ కమిషనర్‌ కన్నబాబు హెచ్చరించారు. తుపాను కారణంగా 95కు పైగా రైళ్లు రద్దయ్యాయి.

ఎన్డీఆర్‌ఎఫ్‌ బృందాలు సిద్ధం..

నేడు ఉత్తరాంధ్ర జిల్లాల్లో భారీ నుంచి అతి భారీ వర్షాలు, ఒకట్రెండు చోట్ల అత్యంత భారీ వర్షాలు పడతాయని విశాఖ తుపాను హెచ్చరికల కేంద్రం అంచనా వేసింది. జవాద్ తుపాను ప్రభావం ఉండే ప్రాంతాల్లో సహాయ కార్యకలాపాలకు 64 బృందాలను సిద్ధంగా ఉంచిన‌ట్టు... ఎన్డీఆర్​ఎఫ్ డీజీ అతుల్‌కుమార్‌ తెలిపారు. ఇప్పటికే ఆంధ్రప్రదేశ్‌, ఒడిశా, పశ్చిమబెంగాల్‌ రాష్ట్రాలకు 46 బృందాలను పంపామని.. మరో 18 బృందాలను సిద్ధంగా ఉంచామని చెప్పారు. విశాఖ జిల్లాలో ప్రజల తరలింపునకు 21 పునరావాస కేంద్రాలు ఏర్పాటు చేశారు. తుపాను కారణంగా విశాఖ మన్యంలోని అన్ని పర్యాటక కేంద్రాలనూ ఐదో తేదీ వరకు మూసేయాలని పాడేరు ఐటీడీఏ పీఓ గోపాలకృష్ణ ఆదేశించారు.

సంబంధిత కథనాలు: