యోగ, ధ్యానం, సంగీతం కలగలిపి హార్ట్ఫుల్నెస్ ఇన్‌స్టి‌ట్యూట్, ఆయుష్ మంత్రాలయం సంయుక్తంగా నిర్వహిస్తున్న వర్చ్యువల్ సమావేశం హైదరాబాద్లో జూన్ 21న ఉదయం 7 గంటలకు జరగనుంది. యోగ మూల సూత్రం, అందరినీ ఒకటిగా చేయగలిగిన స్ఫూర్తి 'కరుణ'.
ఈ కరుణా గుణాన్ని వ్యాపింపజేసేందుకు నిర్వహిస్తున్న ఈ సమ్మేళనంలో యోగర్షి బాబా రాందేవ్, ద్రోణాచార్య పురస్కార గ్రహీత శ్రీ పి.గోపీచంద్, ప్రఖ్యాత యువ క్రీడాకారిణి కుమారి పి.వి.సింధు, హార్ట్ఫుల్నెస్ గైడ్ శ్రీ కమలేష్ పటేల్ పాల్గొంటారు.
అంతర్జాతీయ యోగా దినోత్సవం సందర్భంగా ఈ వర్చ్యువల్ వేడుకలలో పాల్గొనవలసిందిగా అందరినీ హృదయపూర్వకంగా ఆహ్వానిస్తోంది హార్ట్ఫుల్నెస్ ఇన్‌స్టి‌ట్యూట్. ఈటీవీ భారత్ ఈ కార్యక్రమాన్ని ఆదివారం 21 ఉదయం 7గంటల నుంచి ప్రత్యక్ష ప్రసారం ద్వారా అందించనుంది.