'నాకే జనన ధ్రువీకరణ పత్రం లేదు... నా తండ్రిది ఎక్కడి నుంచి తీసుకురావాలి?'

సీఏఏ, ఎన్​ఆర్​సీ, ఎన్​పీఆర్​లపై అసెంబ్లీ సమావేశాల్లో భాగంగా ఒక రోజు ప్రత్యేక చర్చ జరగాలని తెలంగాణ ముఖ్యమంత్రి కేసీఆర్​ అభిప్రాయపడ్డారు. ఆ రాష్ట్ర అసెంబ్లీ సమావేశంలో భాగంగా సీఏఏ, ఎన్​ఆర్​సీపై కేసీఆర్ ఆసక్తికర వ్యాఖ్యలు చేశారు.

సీఏఏ, ఎన్‌పీఆర్‌పై దేశవ్యాప్తంగా ఆందోళనలు జరుగుతున్నాయని తెలంగాణ ముఖ్యమంత్రి కేసీఆర్​ అన్నారు. సీఏఏ, ఎన్‌ఆర్‌సీ, ఎన్‌పీఆర్‌లపై అసెంబ్లీ సమావేశాల్లో ఒకరోజు ప్రత్యేక చర్చ పెట్టాలని పేర్కొన్నారు. తాను ఊరిలో సొంతింటిలో పుట్టానని... ఆ రోజుల్లో జనన ధ్రువీకరణ పత్రాలు లేవని వెల్లడించారు. ఇప్పుడు నేనెవరని ప్రశ్నిస్తే ఎక్కడి నుంచి తీసుకురావాలని ప్రశ్నించారు. తన వద్దనే ధ్రువీకరణపత్రం లేదంటే..తన తండ్రి సర్టిఫికెట్‌ ఎక్కడి నుంచి తీసుకురావాలని ప్రశ్నించారు.