నేడు...ముంబయి ఐఐటీలో చంద్రబాబు ప్రసంగం

తెదేపా జాతీయ అధ్యక్షుడు చంద్రబాబు..ముంబయి ఐఐటీలో ఇవాళ ప్రసంగించనున్నారు. మధ్యాహ్నం 12 గంటలకు ఐఐటీకి చెందిన మేనేజ్​మెంట్ విద్యార్థులనుద్దేశించి ప్రసంగం చేయనున్నారు.

తెదేపా అధినేత చంద్రబాబు ఇవాళ మధ్యాహ్నం 12 గంటలకు ముంబయి ఐఐటీకి చెందిన మేనేజ్​మెంట్ విద్యార్థులనుద్దేశించి ప్రసంగించనున్నారు. ముంబయి ఐఐటీకి చెందిన శైలేష్ జె. మెహతా మేనేజ్​మెంట్ స్కూల్ అవెన్యూస్ పేరుతో అంతర్జాతీయ బిజినెస్ ఫెస్టివల్ నిర్వహిస్తోంది. దానిలో భాగంగా అలంకార్ పేరుతో గ్లోబల్ లీడర్​షిప్ సమ్మిట్ జరుగుతోంది.

వివిధ రంగాలకు చెందిన ప్రముఖులు రోజుకొకరు చొప్పున ఆన్​లైన్​లో మేనేజ్​మెంట్ విద్యార్థులతో ముచ్చటిస్తున్నారు. దానిలో భాగంగా చంద్రబాబు శనివారం వారితో మాట్లాడనున్నారు. అలంకార్​లో పాల్గొంటున్నవారిలో అరవింద్ పనగరియా, శామ్ పిట్రోడా, అనిల్ కకోద్కర్, వినీత్ నారాయణ్, జావెద్ అక్తర్ వంటి ప్రముఖులున్నారు.

ఇదీ చదవండి :తరగతుల నిర్వహణ, ఫీజుల నియంత్రణపై మార్గదర్శకాలు జారీ