హిమాచల్ ప్రదేశ్ గవర్నర్ బండారు దత్తాత్రేయకు తెదేపా అధినేత చంద్రబాబు, జాతీయ ప్రధాన కార్యదర్శి నారా లోకేశ్లు జన్మదిన శుభాకాంక్షలు తెలిపారు. పార్టీలకు, రాజకీయాలకు అతీతంగా అందరినీ సోదరభావంతో ఆప్యాయంగా దత్తాత్రేయ ఆదరిస్తారని చంద్రబాబు గుర్తుచేశారు. ఏ చోట ఉన్నా తెలుగువారిని, తెలుగునేలను క్షణం మరువని దత్తాత్రేయ నిండు నూరేళ్లూ ఆనంద ఆరోగ్యాలతో వర్ధిల్లాలని మనసారా కోరుకుంటున్నట్లు పేర్కొన్నారు.
ప్రజా, రాజకీయ జీవితంలో ప్రజలకు అందిస్తున్న సేవలు స్ఫూర్తిదాయకమని లోకేశ్ కొనియాడారు. చిరకాలం ఆయురారోగ్యాలతో, సుఖ సంతోషాలతో జీవించాలని ఆకాంక్షించారు. ఈ మేరకు ట్విటర్ వేదికగా లోకేశ్ శుభాకాంక్షలు తెలిపారు.