98వ రోజు కొనసాగుతున్న అమరావతి ఉద్యమం
అమరావతి రైతుల ఉద్యమం 98వ రోజుకి చేరుకుంది. కరోనా వ్యాప్తి చెందకుండా తగు జాగ్రత్తలు పాటిస్తూ రైతులు తమ శిబిరాల్లో ఆందోళనలు కొనసాగిస్తున్నారు. శిబిరాల్లో మూడు మీటర్ల చొప్పున దూరంగా కూర్చుని నిరసనలు చేస్తున్నారు. ముఖానికి మాస్క్లు ధరించి నినాదాలు చేశారు. రాష్ట్ర ఏకైక రాజధానిగా అమరావతినే కొనసాగించాలనే డిమాండ్తో రాజధాని 29 గ్రామాల్లోనూ రైతుల ఆందోళన ఆపడం లేదు. లాక్ డౌన్ ఉన్నా కూడా.. ముందస్తు జాగ్రత్తలు తీసుకుంటూ పోరాటాన్ని మాత్రం ముందుకు తీసుకుపోతున్నారు.