తీర్థ యాత్రలకు వెళ్లిన మహిళ మృతి

కేదారనాథ్ తీర్థయాత్రకు వెళ్లిన మహిళ మృతి చెందింది. ఈ నెల 21న తీర్థయాత్రకు వెళ్లిన ఆమె గురువారం మృతి చెందారు. కర్నూలు చెందిన మహిళ బంధువులు మృతదేహం కోసం ఎదురుచూస్తున్నారు.

కర్నూలు జిల్లా కోడుమూరులోని శ్రీ వెంకటేశ్వరస్వామి నగర్​లో నివాసం ఉంటున్న ధర్మంబ అనే వృద్ధురాలు ఈ నెల 21న తీర్థయాత్రలకు వెళ్లారు. తీర్థయాత్రలో ఉండగా గురువారం(27వ తేదీ) నాడు ఆకస్మికంగా మృతి చెందింది. కేదారనాథ్​లో స్వామిని దర్శించుకున్న అనంతరం...మృతి చెందినట్లు బంధువులు తెలిపారు. విషయం తెలుసుకున్న కుటుంబ సభ్యులు ఆమె మృతదేహం కోసం ఎదురు చూస్తున్నారు. ధర్మంభ భర్త రామచంద్రుడు విశ్రాంత ఉద్యోగి, ఆమెకు కుమారుడు తిమ్మప్ప, ముగ్గురు కుమార్తెలు ఉన్నారు. ప్రభుత్వం వారు సాయం చేసి, మృతదేహాన్ని కోడుమూరు పంపాలని వేడుకుంటున్నారు.

ఇదీ చదవండి :దారుణం.. మద్యం మత్తులో యువకునిపై దాడి