సీటు కోసం తగాదా...తోటి ప్రయాణికుడి వేలు కొరికిన వ్యక్తి

రైలు ప్రయాణంలో సీట్ల కోసం తరచూ తగాదాలు జరగడం పరిపాటి. విశాఖ నుంచి విజయవాడ వెళ్తున్న ఓ రైలులో ఇటువంటి ఘటనే చోటుచేసుకుంది. మిత్రుల కోసం ఆపిన సీటులో మరో ప్రయాణికుడు కూర్చోవడం వలన గొడవ మొదలై...అది తారాస్థాయికి చేరుకుంది. కోపం పట్టలేని ఒకరు మరొకరి చేతిని కొరికి తీవ్రగాయం చేశాడు.

రైలు ప్రయాణంలో సీటు కోసం తలెత్తిన తగాదా...ఒకరినొకరు గాయపరుచునే స్థాయికి చేరుకుంది. విశాఖపట్నం నుంచి విజయవాడ వెళ్లేందుకు తన మిత్రుల కోసం ఓ వ్యక్తి ఎల్.టి.టి ఎక్స్​ప్రెస్ రైలులో రెండు సీట్లు ఆపాడు. అదే రైలులో ప్రయాణిస్తోన్న మరో వ్యక్తి ఆ సీటులో కూర్చోన్నాడు. సీట్ల విషయంలో వారిరువురి మధ్య వాగ్వాదం జరిగింది. ఈ గొడవ తారాస్థాయికి చేరి...ఒకరినొకరు గాయపరుచున్నారు. గొడవలో తోటి ప్రయాణికుడి చేతిని బలంగా కొరికి గాయపరిచాడు. ఈ విషయం తెలుసుకున్న పోలీసులు వారి ఇద్దరిని అదుపులోకి తీసుకున్నారు. గాయపడిన వ్యక్తిని రైల్వే ఆసుపత్రికి తరలించి చికిత్స అందించారు. విశాఖ మీదుగా ప్రయాణించే రైళ్లలో రద్దీ ఎక్కువగా ఉండడం వలన తరచూ...ఇటువంటి ఘటనలు జరుగుతున్నాయని ప్రయాణికులు అంటున్నారు.

ఇవీ చూడండి :బియ్యపు గింజలు... అతని చేయి తాకితే కళాఖండాలు