సమాచారం ఇవ్వకుండా సామాన్లు తొలగిస్తారా?

''చంద్రబాబు మూడు సార్లు రాష్ట్రానికి ముఖ్యమంత్రిగా వ్యవహరించారు. ఆ విషయం గుర్తుంచుకోండి''.. అంటూ అధికారుల తీరుపై తెదేపా సీనియర్ నేతలు ఆగ్రహించారు.

ప్రజావేదిక నుంచి.. ప్రతిపక్ష నేత చంద్రబాబుకు సంబంధించిన వస్తువులను సిబ్బంది బయటకు పారేసిన ఘటనపై.. తెదేపా నేతలు తీవ్రంగా స్పందించారు. కనీస సమాచారం ఇవ్వకుండా ఇలాంటి చర్యలేంటని ప్రశ్నించారు. మూడు సార్లు ముఖ్యమంత్రిగా చంద్రబాబు రాష్ట్రాన్ని పాలించారన్న విషయాన్ని గుర్తుంచుకోవాలని హితవు పలికారు. తాము ప్రజావేదికకు వెళ్లేలోపే సిబ్బంది నిర్లక్ష్యంగా వ్యవహరించారని ఆరోపించారు. కలెక్టర్ల సమావేశాన్ని సాకుగా చూపి.. కక్షపూరితంగా వ్యవహరిస్తున్నారని ఆరోపించారు.