''ఉగ్రవాదంపై ప్రపంచదేశాలన్నీ పోరాడాలి''
సీఆర్పీఎఫ్ జవాన్ల కుటుంబాలకు ప్రగాఢ సానుభూతి ప్రకటించింది రష్యా రాయబార కార్యాలయం. క్షతగాత్రులందరూ త్వరగా కోలుకోవాలని ఆకాంక్షించింది. ఉగ్రవాదంపై వ్యతిరేకంగా ప్రపంచదేశాలన్నీ పోరాడాలని పిలుపునిచ్చింది.
''ఉగ్రవాదంపై ప్రపంచదేశాలన్నీ పోరాడాలి'' - ప్రపంచ దేశాలు
సీఆర్పీఎఫ్ జవాన్లపై భారత్లో జరిగిన ఉగ్రదాడి పట్ల పలు దేశాలు సానుభూతి ప్రకటించాయి.
''ఉగ్రవాదంపై ప్రపంచదేశాలన్నీ పోరాడాలి''
జవాన్లపై ఉగ్రదాడి పిరికిపంద చర్యగా పేర్కొంది అమెరికా.
''అమరులైన భారత జవాన్ల కుటుంబాలకు నా ప్రగాఢ సానుభూతి. ఉగ్రవాదంపై పోరాటంలో భారత్కు మద్దతుగా నిలుస్తాం''
-రాయబారి,కెన్నెత్ జస్టర్
- నేపాల్ ప్రధాని కేపీ శర్మ ఓలి ఉగ్రదాడి ఘటనపై భారత ప్రధానమంత్రి నరేంద్రమోదీతో మాట్లాడారు. ముష్కరుల దాడిని తీవ్రంగా ఖండించారు. బాధితులు త్వరగా కోలుకోవాలని ఆకాంక్షించారు.
- ఉగ్రదాడిని తీవ్రంగా వ్యతిరేకించిన జర్మనీ, ఫ్రాన్స్లు అమరులైన జవాన్ల కుటుంబాలకు ప్రగాఢ సంతాపాన్ని ప్రకటించాయి.
- ఉగ్రవాదానికి వ్యతిరేకంగా చేసే పోరాటంలో తామెప్పుడూ భారత్వైపే ఉంటామని స్పష్టం చేసింది ఫ్రాన్స్.
- తమ వ్యూహాత్మక భాగస్వామ్య దేశమైన భారత్కు మద్దతుగా నిలుస్తామని ప్రకటించింది జర్మనీ.
- ఇతర దేశాలు ఆస్ట్రేలియా, టర్కీ, కెనడా, చెక్ రిపబ్లిక్లు ఈ దాడిని తీవ్రంగా ఖండించాయి.
- భారత పొరుగు దేశాలైన బంగ్లాదేశ్, భూటాన్, శ్రీలంక, మాల్దీవులు అమర జవాన్ల కుటుంబాలకు సంతాపం ప్రకటించాయి. ఉగ్రవాదాన్ని అంతమొందించడానికి ఉమ్మడిగా పోరాటం చేయాల్సినవసరముందని పిలుపునిచ్చాయి.
- శ్రీలంక అధ్యక్షుడు మైత్రిపాల సిరిసేన, బంగ్లాదేశ్ ప్రధాని షేక్ హసీనా, మాల్దీవ్స్ అధ్యక్షుడు ఇబ్రహీంలు తీవ్ర దిగ్భ్రాంతి వ్యక్తం చేశారు.