మినరల్ డెవలప్​మెంట్ కార్పొరేషన్ ఛైర్మన్​గా పునేఠ

ఎన్నికలకు ముందు సీఎస్​గా తొలగించిన అనిల్ చంద్ర పునేఠకు ఏపీ మినరల్ డెవలప్​మెంట్ కార్పొరేషన్ ఛైర్మన్​గా పోస్టింగ్ ఇచ్చారు. ఈ మేరకు సీఎస్​ ఎల్వీ సుబ్రహ్మణ్యం ఉత్తర్వులు జారీ చేశారు.

రాష్ట్ర మాజీ ప్రధాన కార్యదర్శి అనిల్ చంద్ర పునేఠాను బదిలీ చేస్తూ ప్రభుత్వం ఉత్తర్వులు జారీ చేసింది. పునేఠాను ఏపీ మినరల్ డెవలప్​మెంట్ కార్పొరేషన్ చైర్మన్​గా నియమిస్తూ ఆదేశాలు ఇచ్చింది. ఎన్నికల సంఘం ఆదేశాల మేరకు ప్రస్తుతం వెయిటింగ్​లో ఉన్న పునేఠాను ఏపీఎండీసీ చైర్మన్​గా నియమిస్తూ ప్రభుత్వ ప్రధాన కార్యదర్శి ఎల్వీ సుబ్రహ్మణ్యం ఆదేశాలు ఇచ్చారు.

మార్చి 29 తేదీన పునేఠాను బదిలీ చేస్తూ ఎన్నికల సంఘం ఆదేశాలిచ్చింది. ఎన్నికలతో సంబంధం లేని పోస్టుకు బదిలీ చేయాలంటూ ప్రభుత్వాన్ని ఆదేశించింది. అయితే అప్పటి నుంచి ఆయన వెయింటింగ్​లోనే ఉన్నారు. ఈ నెల 31 తేదీన ఆయన పదవీ విరమణ చేయాల్సి ఉండటం వలన పునేఠాకు పోస్టింగ్ ఇస్తూ ఆదేశాలు జారీ చేశారు.