ఆవాసం కల్పించాలని ఆందోళన
గుంటూరు జిల్లా లింగంగుంట్లలో 17 ఎకరాల గ్రామ పంచాయతీ భూమిని తమ ఇళ్ల స్థలాల కోసం కేటాయించాలని.. సుమారు 200 మంది గ్రామస్థులు ఆందోళన చేశారు. మున్సిపాలిటీకి చెందిన ఆ స్థలంలో బైఠాయించి ఎమ్మార్పీఎస్ ఆధ్వర్యంలో నిరసన చేశారు. నివాసాల కోసం ఎన్నోసార్లు అర్జీ పెట్టుకున్న..పట్టించుకోలేదని డీఎస్పీ రామవర్మ, ఆర్డీవో శ్రీనివాసరావు, మున్సిపల్ కమిషనర్ శేషన్నలకు విన్నవించారు. ఆందోళనకారులతో మాట్లాడిన అధికారులు.. సమస్యపై ఈ నెల 26న చర్చిస్తామని తెలిపారు. ఉన్నతాధికారుల హామీతో పరిస్థితి అదుపులోకి వచ్చింది.