తెలంగాణలో.. 'మిషన్ భగీరథ ఫౌంటేన్'!!

అసలే ఎండాకాలం. తాగేందుకే నీరు దొరకని ఈ సమయంలో.. కొందరి నిర్లక్ష్యం ఇంతటి నష్టానికి కారణమైంది. తెలంగాణలోని మహబూబ్​నగర్ జిల్లా చిన్నచింతకుంట మండలం లాల్​కోట చౌరస్తాలో మిషన్ భగీరథ పైప్ లైన్ పగిలిపోయిన కారణంగా.. వేల లీటర్ల నీరు ఇలా వృథా అయ్యింది.

తెలంగాణలోని మహబూబ్​నగర్ జిల్లా మన్యంకొండలో.. మిషన్ భగీరథ పైపులైను ధ్వంసమైంది. చిన్న చింతకుంట మండలం లాల్​కోట చౌరస్తాలో గేటు మరమ్మతులు చేస్తుండగా ఒక్కసారిగా పైపు పగిలి పెద్ద ఎత్తున నీరు చిమ్మింది. జాతీయ రహదారిపై ఫౌంటైన్​లా వందల అడుగుల ఎత్తుకు నీరు చిమ్మింది. చాలా సేపు మంచినీరు వృథాగా పోయి... చుట్టపక్కన పంటపొలాలు, రోడ్లు చెరువుల్లా మారాయి. ఈ విషయాన్ని గమనించిన స్థానికులు మిషన్ భగీరథ పైప్ లైన్ నిర్వాహకులకు సమాచారమిచ్చారు. వెంటనే స్పందించిన అధికారులు నీటి వృథాను అరికట్టారు.పైప్ లైన్ లీకేజీకి కారణం నిర్వాహకుల పర్యవేక్షణ లోపమేనని గ్రామస్థులు ఆరోపించారు.

ఇవీ చదవండి:దేశంలో బడితే ఉన్నోడిదే బర్రె : కేటీఆర్