విదేశీ జంట...చోరీల్లో ముందంట!
కర్నూలులోని అబ్దుల్లాఖాన్ ఎస్టేట్లో ఉన్న స్కంద దుకాణ సముదాయంలోని బజ్ పాక్‌టూ ట్రావెల్స్ ఆఫీసులో చోరీ జరిగింది. ఈనెల 13వ తేదీన ఓ విదేశీ జంట ఈ షాపుకు వచ్చారు. తాము న్యూజిలాండ్ నుండి వచ్చినట్లు చెప్పిన ఆ జంట.. నగదు మార్చుకోవాలని నమ్మించారు. షాపులో పనిచేస్తోన్న వారి దృష్టి మళ్లించి రూ.1.40 లక్షల విలువచేసే విదేశీ కరెన్సీని తస్కరించారు. ఘటనపై ట్రావెల్స్ సంస్థ పోలీసులకు ఫిర్యాదు చేసింది. పోలీసులు సీసీ కెమెరా దృశ్యాల పరిశీలించి నిందితులను గుర్తించారు. ఈ నెల 10న కొచ్చిన్‌, 11న మైసూరు ప్రాంతాల్లో...ఇటువంటి నేరాలకు వీరు పాల్పడినట్లు పోలీసులు తెలిపారు. నిందితుల కోసం గాలిస్తున్నామని పేర్కొన్నారు.