తూర్పుగోదావరి జిల్లాలోని కొత్తపేట మండలం వానపల్లి గ్రామానికి చెందిన ఎడ్డపల్లి భగవాన్‌ అనే రైతు తన పంట పొలంలో బోరుకు విద్యుత్ కనెక్షన్ ఇవ్వాలని దరఖాస్తు చేసుకున్నాడు. విద్యుత్ కనెక్షన్ అనుమతి ఇవ్వాలంటే రూ.15 వేలు లంచం ఇవ్వాలని ఏఈ శివశంకర్ రైతును డిమాండ్‌ చేశాడు.
ఈ విషయంపై రైతు భగవాన్‌ రాజమహేంద్రవరం అనిశా అధికారులను సంప్రదించాడు. అవినీతి అధికారిని పట్టుకునేందుకు ఏసీబీ పథకం రచించింది. కొత్తపేట విద్యుత్తు ఉపకేంద్రంలో రైతు నుంచి లంచం తీసుకుంటుండగా ఏసీబీ అధికారులు దాడి చేసి శివశంకర్ను పట్టుకున్నారు. ఈ ఘటనపై కేసు నమోదు చేసి శివశంకర్ను కోర్టులో హాజరుపరుస్తామని ఏసీబీ డీఎస్పీ సుధాకర్‌ తెలిపారు.
ఇవీ చూడండి :ఈసీని కలిసిన ప్రతిపక్ష పార్టీల నేతలు