రెచ్చిపోయిన వైఎస్సార్సీపీ వర్గీయులు - టీడీపీ కార్యకర్తలపై దాడి

YSRCP Followers Attacked On TDP Cadre in Guntur District :గుంటూరు జిల్లా వట్టిచెరుకూరు మండలం గారపాడు ఎస్సీ కాలనీలో తెలుగుదేశం వర్గీయులపై వైఎస్సార్సీపీ వర్గీయులు దాడి చేశారు. మంగళవారం రాత్రి మూకుమ్మడిగా వైఎస్సార్సీపీ వర్గీయులు దాడికి దిగడంతో టీడీపీ కార్యకర్తలకు గాయాలయ్యాయి. కర్రలు, ఇనుప రాడ్లు, రాళ్లతో దాడులు చేశారు. ఈ దాడులలో ఏడుగురు టీడీపీ కార్యకర్తలకు గాయాలు కావడంతో గుంటూరు ఆసుపత్రికి తరలించి చికిత్స అందిస్తున్నారు. పోలీసులు ఘటనా స్థలానికి చేరుకుని పికెట్ ఏర్పాటు చేశారు.

బాపట్ల జిల్లాలో తూర్పుపిన్నిబోయినవారిపాలెంలో వైఎస్సార్సీపీ మూకలు రెచ్చిపోయారు. టీడీపీ సానుభూతిపరులకు చెందిన గడ్డివాములకు నిప్పుపెట్టారు.