గాజాపై ఇజ్రాయెల్ డెడ్లీ మిస్సైల్​ అటాక్స్- 16మంది మృతి

Israeli Strikes In Gaza : గాజా పట్టీలో ఇజ్రాయెల్‌ సైన్యం జరిపిన వైమానిక దాడుల్లో 16మంది పాలస్తీనావాసులు మృతిచెందారు. 34 మందికిపైగా గాయపడ్డారు. యూఎన్ సహకారంతో గాజాలో రెండవ దశ టీకాలు వేసిన చివరి రోజు ముగిసిన అనంతరం, ఇజ్రాయెల్ క్షిపణి దాడులు చేసింది. ఈ క్షిపణి సెంట్రల్‌ గాజాలోని బూరీజ్‌లో ఓ నివాసం భవనంపై పడటం వల్ల, తల్లి సహా ఇద్దరు పిల్లలు మృతిచెందారు. నుసెరాయిట్‌ పట్టణంపై జరిపిన రెండు వేర్వేరు వైమానిక దాడుల్లో 9మంది మృతి చెందగా, 10మంది గాయపడ్డారు. మెుదట ఓ నివాస భవనంపై దాడి చేయగా నలుగురు మృతి చెందారు. అనంతరం శరణార్థి శిబిరంపై జరిపిన దాడిలో ఐదుగురు చనిపోయారు. ఉత్తర గాజాలోని జబాలియాలో జరిపిన వైమానిక దాడిలో నలుగురు మృతి చెందగా 24 మందికి పైగా గాయపడ్డారు.