ఓట్ల కోసం ఎమ్మెల్యే వేషాలు - ఆశ్చర్యపోతున్న జనం - YSRCP MLA Voilated Election Code - YSRCP MLA VOILATED ELECTION CODE

YSRCP MLA Shilpa Ravichandra Voilated Election Code : ఎన్నికలు దగ్గర పడుతున్నా కొద్దీ వైఎస్సార్సీపీ అధికారులు ప్రచారాలు ముమ్మరం చేస్తున్నారు. పబ్లిసిటీ కోసం వారు వేసే వేషాలు చూసి ప్రజలు ఆశ్చర్యపోతున్నారు. ప్రతిపక్షాలను నిందిస్తూ వెర్రి వేషాలు వేయడమేంటని పలువురు ఆగ్రహం వ్యక్తం చేస్తున్నారు. నంద్యాల ఎమ్మెల్యే శిల్పా రవి చంద్ర కిషోర్ రెడ్డికు చెందిన శిల్పా సేవా సమితి గత కొన్నేళ్లుగా నిర్వహిస్తున్న శిల్పా సూపర్ మార్కెట్ కొనసాగింపుపై టీడీపీ నాయకులు ఎన్నికల అధికారులకు ఫిర్యాదు చేశారు. ఎన్నికల నేపథ్యంలో పది శాతం తగ్గింపు ధరతో పలు రకాల నిత్యావసర వస్తువులను వినియోగదారులకు అందిస్తున్న కారణంగా ఎన్నికల అధికారులు శిల్పా సూపర్ మార్కెటును మూసివేశారు. దీంతో సూపర్ మార్కెట్​ను ఎందుకు మూసివేయాల్సి వచ్చిందో వివరిస్తూ ఓ సూచిక( బోర్డు) ఏర్పాటు చేశారు. అసలే ఎన్నికల కోడ్ ఉల్లంఘించి వ్యాపారం చేస్తున్నారని టీడీపీ నాయకులు చేసిన ఫిర్యాదు మేరకు ఎన్నికల అధికారులు శిల్పా సహకార్​ను మూసివేస్తే తిరిగి సూచిక ఏర్పాటుతో ప్రచారం మొదలెట్టారు. ఇది గమనించిన తెలుగుదేశం పార్టీ నేతలు ఎన్నికల అధికారులకు మరో సారి ఫిర్యాదు చేశారు.