అంబులెన్స్​లో ఉన్నది పేషంట్ కాదు, గంజాయి- సినీఫక్కీలో తరలిస్తున్న సరకును పసిగట్టి పట్టుకున్న పోలీసులు - Transportation of GANJA

Transportation of Marijuana in Ambulance : గంజాయి తరలించేందుకు స్మగ్లర్లు అనేక ఎత్తుగడలు వేస్తున్నారు. తాజాగా అచ్చం సినీ ఫక్కీ తరహాలో ఓ అంబులెన్స్​లోనే గంజాయి తరలిస్తూ పోలీసులకు పట్టుబడిన ఘటన అల్లూరి జల్లాలో కలకలం రేపింది. జిల్లాలోని  మోతుగూడెంలో పోలీసు తనిఖిల్లో భాగంగా ఈ గంజాయి పట్టుబడింది. ఈ గంజాయిని ఒడిస్సా నుంచి తీసుకువచ్చి మోతుగూడెం పరిసరాల్లో నిల్వ ఉంచుతున్నారు. అనంతరం అక్కడి నుంచి అంబులెన్స్​లో వివిధ ప్రాంతాలకు తరలిస్తున్నారు.  

Ganja Transportation in Alluri district : పోలీసులు తనిఖీల్లో  భాగంగా అనుమానంతో అంబులెన్స్​ను తనిఖీ చేయగా అందులో గంజాయి ఉండటం చూసి పోలీసులే ఆశ్చర్యపోయారు. ఈ ఘటనపై కేసు నమోదు చేసిన పోలీసులు ఒకరిని అదుపులో తీసుకోగా మరో ఇద్దరు పరారీలో ఉన్నారు. అంబులెన్స్​కు ఏపీ రిజిస్ట్రేషన్ బోర్డు అమర్చి రాజస్థాన్‌కు గంజాయిని తరలిస్తున్నట్లు పోలీసులు గుర్తించారు. పట్టుబడిన గంజాయి విలువ రూ. 25 లక్షల వరకు ఉంటుందని పోలీసులు తెలిపారు.