కడపలో సూపర్ స్టార్ రజనీకాంత్ వెట్టయాన్​ షూటింగ్ సందడి- తరలి వచ్చిన తలైవా ఫాన్స్​​ - vettayan shooting in kadapa

Superstar Rajinikanth Movie Shooting in YSR kadapa District : వైయస్సార్ జిల్లాలో సూపర్ స్టార్ రజినీకాంత్ సినిమా షూటింగ్ అలరించింది. షూటింగ్​ జరుగుతున్న ప్రాంతానికి ప్రజలు, అభిమానులు పెద్ద ఎత్తున చేరుకున్నారు. జమ్మలమడుగు నియోజకవర్గం ఎర్రగుంట్ల మండలం నిడిజువ్వి గ్రామ సమీపంలోని సానే పల్లె మధుసూదన్ రెడ్డి నాపరాయి గనిలో సూపర్ స్టార్ రజనీకాంత్ నటిస్తున్న వెట్టయాన్‌  (తెలుగులో వేటగాడు అని అర్థం) తమిళ భాష యాక్షన్ డ్రామా సినిమా షూటింగ్​లో రజనీకాంత్ పాల్గొన్నాడు. ప్రముఖ దర్శకుడు టీజే జ్ఞానవేల్  రూపొందిస్తున్న ఈ సినిమా ఫైటింగ్ సీన్ల షూటింగ్​ ఇక్కడ చిత్రీకరించారు. 

రజనీకాంత్ 170 వ సినిమా ఇది. సినిమా షూటింగ్ జరుగుతుందని తెలుసుకున్న రజనీకాంత్ అభిమానులు చుట్టుపక్కల గ్రామాల ప్రజలు సూపర్​స్టార్​ రజినీ కాంత్​ను చూడడానికి తరలివచ్చారు. రజనీకాంత్‌ హీరోగా టీజే జ్ఞానవేల్‌ దర్శకత్వంలో రూపొందుతున్న సినిమా వెట్టయాన్‌లో అమితాబ్‌ బచ్చన్, ఫాహద్‌ ఫాజిల్, రానా, మంజు వారియర్, రితికాసింగ్, దుషారా విజయన్‌ కీలక పాత్రల్లో నటిస్తున్నారు.