బిల్డింగ్​పై నుంచి దూకి విద్యార్థిని ఆత్మహత్య - Degree Student Suicide

Degree Student Suicide In Malkajgiri : డిగ్రీ చదువుతున్న ఓ విద్యార్థిని రెండు పడకల భవనంపై నుంచి దూకి ఆత్మహత్యకు పాల్పడిన విషాద ఘటన మేడ్చల్​ మల్కాజిగిరి జిల్లాలో జరిగింది. విద్యార్థిని మృతిలో స్థానికంగా విషాదవాతావరణం అలుముకుంది.  

పోలీసులు స్థానికులు తెలిపిన వివరాల ప్రకారం : జవహర్​నగర్ పరిధిలోని కార్మిక నగర్​కు చెందిన గంగారపు మనోహర్ కుమార్తె చిత్ర శివాని(18). ఓ కళాశాలలో డిగ్రీ మొదటి సంవత్సరం చదువుతోంది. రోజులానే కళాశాలకు వెళ్లిన విద్యార్థిని మధ్యాహ్నం 3 గంటల సమయంలో కాప్రా సాయినగర్​లోని రెండు పడకల భవనంపైకి ఎక్కి ఆత్మహత్యకు పాల్పడింది. గమనించిన స్థానికులు పోలీసులకు సమాచారం అందించారు.  

స్థానికులు అందించిన సమాచారం మేరకు ఘటనా స్థలానికి చేరుకున్న పోలీసులు 108 అంబులెన్స్​ను పిలిపించారు. అయితే విద్యార్థిని అప్పటికే మృతిచెందినట్లుగా వారు గుర్తించారు. ఈ ఘటనపై పోలీసులు దర్యాప్తు చేపట్టారు. చిత్ర శివాని ఎందుకు ఆత్మహత్యకు పాల్పడింది అనే కోణంలో పోలీసులు దర్యాప్తు చేస్తున్నారు. విద్యార్థిని మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. ఈ ఘటనతో స్థానికంగా విషాద ఛాయలు అలముకున్నాయి.