ప్రమాణ స్వీకారోత్సవం ముగిసాక సభ ప్రాంగణానికి వచ్చిన ప్రతిపాటి- ఎందుకో తెలుసా? - Prathipati Stuck in Traffic - PRATHIPATI STUCK IN TRAFFIC

Prathipati Pullarao Coming Chandrababu Oath Stuck in Traffic: చంద్రబాబు ప్రమాణ స్వీకారోత్సవం వేళ లక్షలాది జనం మధ్య వేదికను చేరుకునేందుకు చిలకలూరిపేట ఎమ్మెల్యే ప్రత్తిపాటి పుల్లారావు సాహస యాత్రే చేశారు. ప్రమాణ స్వీకారం సందర్భంగా అభిమానులు పోటెత్తడంతో గన్నవరం హైవే పరిసరాలు స్తంభించాయి. జాతీయ రహదారిపై వాహనాలు కిక్కిరిసి పోవడంతో ప్రత్తిపాటి తన వాహనం వదిలి కార్యకర్తల బైక్‌పై సభా ప్రాంగణానికి చేరుకున్నారు. అప్పటికే ముఖ్యమంత్రి, మంత్రుల ప్రమాణ స్వీకార ఘట్టం ముగియడంతో అందరికీ శుభాకాంక్షలు తెలిపి వెనుదిరిగారు. 

కృష్ణా జిల్లా కేసరపల్లి ఐటీ పార్కు సమీపంలో చంద్రబాబు ప్రమాణ స్వీకార కార్యక్రమానికి మూడు పార్టీల శ్రేణులు భారీగా పోటెత్తారు. దీంతో జాతీయ రహదారిపై విపరీతమైన రద్దీ ఏర్పడింది. భారీ వాహనాలు సైతం ముందుకు కదిల్లేని పరిస్థితి ఏర్పడింది. ముందుగానే సభా ప్రాంగణానికి బయలుదేరిన ప్రత్తిపాటి పుల్లారావు అభిమానులు పోటేత్తడంతో ట్రాఫిక్‌లో చిక్కుకున్నారు. అయితే ఆయన ట్రాఫిక్‌ రద్దీ, అభిమాన సందోహం మధ్య బైక్​పై ప్రయాణం చేసిన దృశ్యాలు సామాజిక మాధ్యమాల్లో వైరల్‌గా మారాయి.