రాజమహేంద్రవరంలో అదరగొట్టిన ఫ్యాషన్ షో- క్యాట్ వాక్​తో హొయలొలికించిన ముద్దుగుమ్మలు - Miss Rajamahendravaram Grand Final - MISS RAJAMAHENDRAVARAM GRAND FINAL

Miss Rajamahendravaram Grand Final: అందమంటే మగువ.. మగువ అంటేనే అందం. అలాంటిది వాళ్లు ర్యాంప్​పై క్యాట్ వాక్ చేస్తే మతి పోవాల్సిందే! చూడచక్కగా ముస్తాబైన ముద్దుగుమ్మలు నడకలతో హొయలొలికిస్తుంటే రెండు కళ్లూ చాలవంతే. రాజమహేంద్రవరంలో నిర్వహించిన అందాల పోటీలు వీక్షకులను ఆకట్టుకున్నాయి. మిస్ రాజమహేంద్రవరం గ్రాండ్​ ఫైనల్స్​లో ఆసక్తికర విశేషాలు తెలుసుకుందాం రండి. 

తూర్పుగోదావరి జిల్లాలోని రాజమహేంద్రవరంలో నిర్వహించిన ఫ్యాషన్ షో వీక్షకులను కట్టిపడేసింది. రోటరీ క్లబ్ ఆఫ్ ఐకాన్ ఆధ్వర్యంలో నిర్వహించిన ఈ గ్రాండ్ ఫైనల్స్​లో పాల్గొన్న అందాల భామలు ర్యాంప్​పై క్యాట్ వాక్​తో ప్రేక్షకుల మదిని దోచుకున్నారు. ఒకరు మించి మరొకరు అనే విధంగా తమతైన స్టైల్​లో తమ అందాలను ఒలకబోశారు. రంగురంగుల అధునాతన దుస్తులను ధరించి అందాల భామల నడకలు స్టెప్పులతో మైమరపించారు. నేటి యువతరం అభిరుచులు, జీవనశైలి, ఆకాంక్షలకు అద్దం పట్టేలా ఈ ఫ్యాషన్ షో కొనసాగింది. ఈ ఫ్యాషన్‌ షో లో పాల్గొన్న మహిళలకు నిర్వాహకులు బహుమతులు అందజేశారు.