తప్పుడు పనులు వద్దన్న భర్త - వినని భార్య - ఆపై ఏం జరిగిందంటే ! - Husband Killed Wife - HUSBAND KILLED WIFE

Husband Killed Wife in Proddatur : పార్క్​కు వెళ్దామంటూ భార్యను తీసుకెళ్లి గొంతు నులిమి హత్య చేసిన ఘటన వైఎస్సార్ జిల్లాలో జరిగింది. ప్రొద్దుటూరు అమృతనగర్​కు చెందిన అన్వర్ బాషా, మైలవరం మండలం దొడియంకు చెందిన రేష్మ అనే దంపతులకు 10 ఏళ్ల కిందట వివాహం జరిగింది. భార్య మరో వ్యక్తితో వివాహేతర సంబంధం పెట్టుకుందనే విషయం అన్వర్​కు తెలియడంతో ఆమెను పలుమార్లు మందిలించినా ఎలాంటి మార్పు రాలేదు.

కొన్ని రోజుల క్రితం దంపతుల మధ్య గొడవ జరగడంతో ఈశ్వరరెడ్డి నగర్​లోని తన బంధువుల ఇంటికి రేష్మ వెళ్లిపోయింది. అన్వర్ ​అక్కడికి వెళ్లి ఆమెను పార్క్​కు తీసుకువెళ్లాడు. ఈ క్రమంలోనే ఇరువురి మధ్య మాటమాట పెరగడంతో భార్యను గొంతునులిమి హత్యచేసి అక్కడే గొయ్యి తీసి పూడ్చిపెట్టాడు. అనంతరం పోలీస్ స్టేషన్​కు వెళ్లి లొంగిపోయాడు. ఘటనాస్థలికి చేరుకున్న పోలీసులు రేష్మ మృతదేహాన్నివెలికితీసి పోస్టుమార్టం నిమిత్తం జిల్లా ప్రభుత్వాసుపత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేపట్టారు.