మత్స్యకార బోటులో అగ్ని ప్రమాదం - రక్షించిన కోస్ట్​ గార్డ్​ సిబ్బంది, ఒకరికి గాయాలు - Fire in Boat Coast Guard Rescued

Fire in Fishing Boat Coast Guard Staff Rescued in Kakinada Sea : కాకినాడ సముద్ర తీరంలో మత్స్యకారుల బోటులో అగ్ని ప్రమాదం సంభవించింది. ఈ ప్రమాదంలో ఒకరికి గాయాలవ్వగా మరో 9 మంది సురక్షితంగా బయటపడ్డారు. ప్రమాదానికి గురైన బోటును కోస్ట్ గార్డ్ సిబ్బంది రక్షించారు. తమిళనాడుకు చెందిన బోటులో పది మంది మత్స్యకారులు చేపల వేట సాగిస్తున్నారు. కాకినాడ తీరానికి దూరంగా ఉదయం చేపల వేట సాగిస్తుండగా ఒక్కసారిగా పడవలో మంటలు చెలరేగాయి. 

కాకినాడలోని కోస్ట్ గార్డు సిబ్బందికి ఈ ప్రమాదం గురించి సమాచారం తెలిసింది. దీంతో వెంటనే అప్రమత్తమైన కోస్ట్ గార్డు సిబ్బంది సముద్రంలోకి వెళ్లి గాయపడిన మత్స్యకారుడు చిరంజీవిని ఒడ్డుకు తీసుకొచ్చారు. గాయపడిన వ్యక్తిని కాకినాడ జీజీహెచ్​కు తరలించి చికిత్స అందిస్తున్నారు. శ్రీకాకుళం జిల్లాకు చెందిన పది మంది మత్స్యకారులు పని కోసం తమిళనాడుకు వెళ్లినట్లు పేర్కొన్నారు. బోటు డ్రైవర్, మిగతా మత్స్యకారులను కోస్ట్​ గార్డ్​ సిబ్బంది తమిళనాడుకు పంపించారు.