విపత్కర పరిస్థితుల్లో సీఎం చంద్రబాబు పనితీరు అద్భుతం: పవన్ కల్యాణ్ - Pawan Kalyan Praised CM Chandrababu

Deputy CM Pawan Kalyan Praised CM Chandrababu: వరద సహాయ చర్యల్లో సీఎం చంద్రబాబు నిమగ్నమైన తీరును డిప్యూటీ సీఎం పవన్ కల్యాణ్ ప్రశంసించారు. అధికార సంక్షోభం, వ్యవస్థల నిర్వీర్యం, వనరుల దోపిడీ గత ప్రభుత్వం నుంచి వచ్చిందని ఇలాంటి విపత్కర పరిస్థితుల్లో చంద్రబాబు పనిచేసిన తీరు అద్భుతంగా ఉందని కొనియాడారు. ప్రకృతి విపత్తును పరిపాలనా దక్షతతో అధిగమించారన్నారు. 

విధి నిర్వహణలో మీరు కష్టపడే విధానం స్ఫూర్తిదాయకం, అభినందనీయమని సామాజిక మాధ్యమం ఎక్స్​లో పవన్​ పోస్ట్ చేశారు.  వరద బాధితులకు సహాయ కార్యక్రమాల్లో పంచాయతీ రాజ్, ఆర్​డబ్ల్యూఎస్ శాఖలు నిర్విరామంగా పాల్గొంటున్నాయని చెప్పారు. త్వరలోనే ఈ సంక్షోభం నుంచి బయటపడుతామని ఆశిస్తున్నట్లు పవన్‌ కల్యాణ్ పేర్కొన్నారు. ఇలాంటి కష్ట సమయంలో ప్రజలను ఆదుకోవడం ప్రభుత్వంతో పాటుగా వ్యక్తిగత బాధ్యతగా భావిస్తున్నట్లు పవన్‌ తెలిపారు. 

అందుకే సీఎం సహాయ నిధితో పాటు వరద బాధిత పంచాయతీలకు విరాళం ఇచ్చినట్లు వివరించారు. అందుకు సీఎం చంద్రబాబు ప్రశంసించటంపై సంతోషం వెలిబుచ్చారు. చంద్రబాబు మాటలు తనలో మరింత ఉత్తేజాన్ని కలిగించాయన్నారు. సీఎం చంద్రబాబుకు హృదయపూర్వక ధన్యవాదాలు తెలిపారు.