Live: ఇంద్రకీలాద్రిపై శరన్నవరాత్రి మహోత్సవాలు - శ్రీ మహాలక్ష్మీ దేవి అలంకారంలో అమ్మవారి దర్శనం - VIJAYAWADA DASARA CELEBRATIONS LIVE

Dasara Sharan Navaratri Live : అమ్మలగన్నయమ్మ ముగురమ్మల మూలపుటమ్మ దుర్గమ్మ కొలువైన ఇంద్రకీలాద్రి దసరా శోభను సంతరించుకుంది. శరన్నవరాత్రి మహోత్సవాల వేళ బెజవాడ భక్తులతో కిటకిటలాడుతోంది. శక్తిపీఠాలలో ఒకటిగా విజయవాడ కనకదుర్గాదేవి ఆలయానికి పేరు. ఈ క్రమంలోనే ఇంద్రకీలాద్రిపై ఆరో రోజు శరన్నవరాత్రి మహోత్సవాలు ఘనంగా జరుగుతున్నాయి. ఇవాళ శ్రీ మహాలక్ష్మీ దేవి అలంకారంలో భక్తులకు అమ్మవారు దర్శనమిచ్చింది. ఉదయం నుంచి క్యూలైన్లలో ఎలాంటి ఇబ్బందులు లేకుండా రోజంతా సాఫీగా దర్శనాలు సాగేలా ఆలయ అధికారులు చర్యలు తీసుకున్నారు. అమ్మవారికి రాష్ట్ర ప్రభుత్వం తరఫున ముఖ్యమంత్రి చంద్రబాబు రేపు పట్టువస్త్రాలను సమర్పించనున్నారు. ఇందుకు పోలీసులు, దుర్గగుడి అధికారులు భద్రతా ఏర్పాట్లను చేపడుతున్నారు. బుధవారం మధ్యాహ్నం ముఖ్యమంత్రి ఆలయానికి రానున్నారు. పెద్దఎత్తున భక్తులు నగరోత్సవాన్ని తిలకించేందుకు ప్రత్యేకంగా ఇంద్రకీలాద్రికి చేరుకుంటున్నారు. దుర్గాఘాట్‌లో ప్రతిరోజు నదీ హారతి కొనసాగుతోంది. దేవాదాయశాఖ మంత్రి ఆనం రామనారాయణరెడ్డితో పాటు పలువురు ప్రజాప్రతినిధులు, అధికారులు నిత్యం తరలివచ్చి నదీ హారతిని వీక్షిస్తున్నారు.