16, 17 తేదీల్లో చంద్రబాబు, పవన్ ఉమ్మడి ప్రచారం - CHANDRABABU PAWAN KALYAN MEETINGS
By ETV Bharat Andhra Pradesh Team
Published : Apr 12, 2024, 1:37 PM IST
Chandrababu, Pawan Kalyan Joint Public Meetigs : ఎన్నికలు సమీపిస్తున్న వేళ రాష్ట్రంలో రాజకీయ ప్రచారాలు జోరందుకున్నాయి. రాజకీయ పార్టీల వారు ప్రజల్లోకి వెళ్లడానికి వ్యూహాలు రచిస్తున్నారు. తెలుగుదేశం అధినేత చంద్రబాబు, జనసేనాని పవన్ కల్యాణ్‌ తొలి దశ ఉమ్మడి ప్రచారం సక్సెస్‌ జోష్‌తో మలి విడత పర్యటన ఖరారు అయ్యింది. ఈ నెల 16, 17వ తేదీల్లో ఇరువురు నేతలు కలిసి ఎన్నికల ప్రచారం నిర్వహించనున్నారు. 16వ తేదీన విజయనగరరం, నెల్లిమర్ల నియోజకవర్గాల్లో ఉమ్మడిగా రోడ్‌ షో నిర్వహించి బహిరంగ సభలో పాల్గొంటారు. 17న పెడన, మచిలీపట్నం నియోజకవర్గాల్లో ప్రజాగళం ఉమ్మడి సభలు నిర్వహిస్తారు.
Chandrababu & Pawan Kalyan Public Meeting Schedule Confirm : ఇవాళ వేమూరు, రేపల్లె ప్రజాగళం యాత్రలో చంద్రబాబు పాల్గొంటారు. నేటితో 31 నియోజకవర్గాల్లో చంద్రబాబు ప్రజాగళం సభలు పూర్తి చేసుకుంటారు. శనివారం తాడికొండ, ప్రత్తిపాడు నియోజకవర్గాల్లో ప్రజాగళం నిర్వహించనున్నారు. 14న పాయకరావుపేట, చోడవరం, గాజువాక, 15న రాజాం, పలాస, టెక్కలిలో నిర్వహించనున్న ప్రజాగళం సభల్లో చంద్రబాబు పాల్గొంటారు.