108 Vehicle Moved into Walking Devotees Of in Tirupati District : తిరుపతి జిల్లాలో 108 వాహనం బీభత్సం సృష్టించింది. నడిచివెళ్తున్న శ్రీవారి భక్తులపైకి దూసుకెళ్లడంతో ఇద్దరు మహిళలు మృతి చెందారు. మరో ముగ్గురికి గాయాలయ్యాయి. పూర్తి వివరాల్లోకి వెళ్తే, పుంగనూరు నుంచి తిరుమలకు కొంతమంది భక్తులు కాలినడకన వెళ్తున్నారు. వారు చంద్రగిరి మండలం నరసింగాపురం వద్దకు వచ్చే సరికి వారిపైకి అంబులెన్స్ దూసుకెళ్లింది.
ఈ ఘటనలో ఇద్దరు మహిళలు మృతిచెందారు. మరో ముగ్గురికి గాయాలవ్వడంతో తిరుపతి రుయా ఆసుపత్రికి తరలించి చికిత్స అందిస్తున్నారు. మదనపల్లె నుంచి ఓ రోగిని అంబులెన్స్లో తిరుపతి తీసుకెళ్తుండగా ఈ ఘటన జరిగింది. మృతులు లక్ష్మమ్మ(45), పెద్ద రెడ్డమ్మ(40) పోలీసులు గుర్తించారు. వీరు అన్నమయ్య జిల్లా రామసముద్రం మండలం చెంపాలపల్లి వాసులుగా తెలిపారు.