లోక్​సభలో ఎంపీల ప్రమాణ స్వీకారం- తెలుగులో కొందరు, ఆంగ్లంలో మరికొందరు - Loksabha MPS OATH

tdp mps oath : లోక్‌సభ సభ్యుల ప్రమాణ స్వీకార కార్యక్రమం కొనసాగుతోంది. రాష్ట్రం నుంచి ఎన్నికైన ఎంపీలు లోక్‌సభలో ప్రమాణ స్వీకారం చేశారు. వీరిలో పలువురు తెలుగులో, మరికొందరు ఇంగ్లిష్​లో ప్రమాణ స్వీకారం చేశారు.

Loksabha MPs Oath : రాష్ట్రం నుంచి ఎన్నికైన ఎంపీలు లోక్‌సభలో ప్రమాణ స్వీకారం చేశారు. తెలుగుదేశం పార్టీ ఎంపీలు కింజరాపు రామ్మోహన్​ నాయుడు, పెమ్మసాని చంద్రశేఖర్‌ తెలుగులో ప్రమాణ స్వీకారం చేశారు. రామ్మోహన్​ నాయుడు కేంద్ర పౌర విమానయానశాఖ మంత్రిగా, చంద్రశేఖర్ కేంద్ర గ్రామీణాభివృద్ధి శాఖ సహాయ మంత్రిగా, బీజేపీ ఎంపీ భూపతి రాజు శ్రీనివాస వర్మ భారీ పరిశ్రమలు, ఉక్కు శాఖ కేంద్ర సహాయ మంత్రి​ గతంలోనే బాధ్యతలు స్వీకరించారు.

దగ్గుబాటి పురందేశ్వరి, కలిశెట్టి అప్పలనాయుడు, శ్రీ భరత్‌, వల్లభనేని బాలశౌరి, కేశినేని శివనాథ్‌ తెలుగులో ప్రమాణ స్వీకారం చేయగా, సీఎం రమేశ్, ఉదయ్‌ శ్రీనివాస్‌, హరీష్‌ బాలయోగి, పుట్టా మహేశ్‌కుమార్‌ తదితరులు ఆంగ్లంలో ప్రమాణ స్వీకారం చేశారు.