అన్యాయాన్ని ఎదురించే టెడ్డీ బేర్​కు శిరీష్​ హెల్ప్​ చేస్తారా? - Allu Sirish Teddy Movie

Allu Sirish Teddy Movie Trailer : టాలీవుడ్ నటుడు అల్లు శిరిష్​ ప్రధాన పాత్రలో విడుదలకు సిద్ధమవుతున్న చిత్రం 'బడ్డీ'. తాజాగా ఈ సినిమాకు సంబంధించిన ట్రైలర్​ను మేకర్స్ విడుదల చేశారు. అందులో అన్యాయం పై తిరగ బ‌డ్డ టెడ్డీబేర్‌ను చూపిస్తామని మేకర్స్ అంటున్నారు. మరి మీరూ దాన్ని చూసేందుకు సిద్ధమేనా?

Allu Sirish Teddy Movie Trailer :యంగ్ హీరో అల్లు శిరీష్ ప్రస్తుతం స్ట్రాంగ్​ కమ్​బ్యాక్​ కోసం ఎదురుచూస్తున్నారు. గతంలో ఆయన నటించిన కొన్ని చిత్రాలు యావరేజ్ టాక్​తో కొనసాగగా, ఈ హీరో కూడా సైలెంట్​గానే ఉండిపోయారు. ఎటువంటి అప్​కమింగ్ మూవీస్ అప్డేట్ ఇవ్వకుండా ఫ్యాన్స్​ను నిరాశపరిచారు. కానీ ఈ సారి మాత్రం ఫుల్​ ఆన్ యాక్షన్ మూవీతో ప్రేక్షకులను ఆకట్టుకునేందుకు సిద్ధమయ్యారు. 'బడ్డీ' అనే కొత్త సినిమాతో అలరించనున్నారు. ఈ నేపథ్యంలో తాజగా ఈ చిత్రానికి సంబంధించిన ట్రైలర్​ను విడుదల చేశారు మేకర్స్​. ఆద్యంతం ఎంటర్​టైనింగ్​గా ఉన్న ఈ గ్లింప్స్ ప్రస్తుతం నెటిజన్లను ఆకట్టుకుంటోంది.

"చ‌రిత్ర‌లో ఇప్ప‌టి వ‌ర‌కు ఎప్పుడు అన్యాయం జ‌రిగిన, ఎదురు తిరిగిన సింహాన్ని, పులిని చూసుంటారు. అన్యాయం పై తిరగ బ‌డ్డ టెడ్డీబేర్‌ను చూశారా? మేం చూపిస్తాం" అంటూ సాయి కుమార్ వాయిస్​ ఓవ‌ర్‌తో ట్రైల‌ర్ ప్రారంభ‌మైంది. ఇక పైలట్​గా అల్లు శిరీష్ ఎంట్రీ, హీరోయిన్ ఇంట్రడక్షన్​, మూవీలోని పలు కీ ఎలిమెంట్స్​ను మేకర్స్​ క్లుప్తంగా చూపించారు. ఇక విలన్స్​ను టెడ్డీబేర్ చితక్కొట్టే తీరు ట్రైలర్​కే హైలైట్​గా నిలిచింది.

ఇక 'బడ్డీ' సినిమా విషయానికి వస్తే, సామ్ అంటోన్ డైరెక్షన్​లో తెర‌కెక్కుతోన్న ఈ చిత్రం కోలీవుడ్​లో విడుదలైన 'టెడ్డీ' సినిమాకి రీమేక్‌గా రూపొందింది. గాయత్రీ భరద్వాజ్, అజ్మల్ అమీర్, ప్రిషా సింగ్, ముకేశ్​ రిషి, హాస్య నటుడు అలీ ఈ సినిమాలో కీలక పాత్ర‌లు పోషించారు. హిప్‌హాప్ తమిళన్​ బాణీలు అందిస్తున్న ఈ చిత్రాన్ని స్టూడియో గ్రీన్ ఫిల్మ్స్ ప్రైవేట్ లిమిటెడ్ ప్రతిష్టాత్మకంగా నిర్మిస్తోంది. జులై 26న ఈ మూవీ థియేటర్లలో విడుదల కానుంది.