போதிய பயணிகள் இல்லாததால் டெல்லி, சீரடி விமானங்கள் ரத்து.. பயணிகள் அவதி!

சென்னை:போதிய பயணிகள் இல்லாததால் சென்னை விமான நிலையத்தில் இருந்து டெல்லி, சீரடி ஆகிய நகரங்களுக்கு இயக்கப்படும் 4 விமானங்கள் இன்று ஒரே நாளில் ரத்து செய்யப்பட்டதால் பயணிகள் அவதியடைந்துள்ளனர்.

ரத்து செய்யப்பட்டுள்ள விமானங்கள்:

வழித்தடம்	நேரம்	விமானம்
சென்னை - சீரடி	பிற்பகல் 2.40	ஸ்பைஸ்ஜெட் பயணிகள் விமானம்
சென்னை - டெல்லி	இரவு 9.05	விஸ்தாரா ஏர்லைன்ஸ் பயணிகள் விமானம்
சீரடி - சென்னை	பகல் 1.50	ஸ்பைஸ்ஜெட் பயணிகள் விமானம்
டெல்லி - சென்னை	இரவு 8.20	விஸ்தாரா ஏர்லைன்ஸ் பயணிகள் விமானம்

சென்னை விமான நிலையத்தில் இன்று ஒரே நாளில் டெல்லி, சீரடி ஆகிய வருகை, புறப்பாடு என 4 விமானங்கள் திடீரென ரத்து செய்யப்பட்டதால் பயணிகள் கடும் அவதிக்குள்ளாகினர். தொடர் விடுமுறை காரணமாக பயணிகள் எண்ணிக்கை குறைவாக இருந்ததால், போதிய பயணிகள் இல்லாமல் விமானங்கள் ரத்து செய்யப்பட்டுள்ளதாக சென்னை விமான நிலைய அதிகாரிகள் தரப்பில் தெரிவிக்கப்பட்டுள்ளது.