மனைவிக்கு வளைகாப்பு.. அழைப்பிதழ் கொடுக்க சென்ற நபர் விபத்தில் பலி; நண்பரும் உயிரிழந்த சோகம்! - Thanjavur Accident

THANJAVUR ACCIDENT: தஞ்சாவூர் அருகே மனைவியின் வளைகாப்பு விழாவுக்காக உறவினர்களுக்கு அழைப்பிதழ் கொடுக்கச் சென்ற இளைஞர் பைக் விபத்தில் உயிரிழந்த சம்பவம் சோகத்தை ஏற்படுத்தியுள்ளது.

தஞ்சாவூர்:தஞ்சாவூர் மாவட்டம், தொம்பன் குடிசை பகுதியைச் சேர்ந்த அருண்குமார் (25) தஞ்சையில் வரும் 19ஆம் தேதி நடைபெற உள்ள தனது மனைவி நர்மதாவின் வளைகாப்பு விழாவிற்காக, பட்டுக்கோட்டை பள்ளத்தூர் அருகே உள்ள அழகியநாயகிபுரம் கிராமத்தில் உள்ள தனது உறவினர் வீட்டிற்கு அழைப்பிதழ் கொடுப்பதற்காக தனது நண்பர் சாரோன் (20) என்பவருடன் நேற்று மாலை பைக்கில் சென்றுள்ளார்,

பட்டுக்கோட்டை அருகே உள்ள கோட்டாக்குடி செம்மண் குட்டை அருகே பைக் சென்றபோது, பட்டுக்கோட்டை அடுத்த பள்ளத்தூர் கிராமத்தை சேர்ந்த அரவிந்தன் (27) என்பவர் ஓட்டி வந்த பைக்குடன் நேருக்கு நேர் மோதியது. இதில், அரவிந்தன் மற்றும் சாரோன் ஆகிய இரண்டு பேரும் சம்பவ இடத்திலேயே இறந்தனர்.

விபத்தில், பலத்த காயமடைந்த அருண்குமார் பட்டுக்கோட்டை அரசு மருத்துவமனையில் முதலுதவி சிகிச்சைக்கு பின்னர் மேல் சிகிச்சைக்காக தஞ்சாவூர் மருத்துவக் கல்லூரி மருத்துவமனையில் சேர்க்கப்பட்டார்.

விபத்தில் உயிரிழந்த இருவரது உடல்களை மீட்டு பிரேத பரிசோதனைக்காக தஞ்சாவூர் அரசு மருத்துவமனைக்கு அனுப்பிய பட்டுக்கோட்டை தாலுகா போலீசார், வழக்குப்பதிவு செய்து விசாரணை நடத்தி வருகின்றனர்.

இதையும் படிங்க:கல்வி நிறுவனங்களில் பாலியல் தொல்லை: அவசர ஆலோசனை கூட்டத்தில் முதலமைச்சர் பங்கேற்பு