தூத்துக்குடி:ஸ்ரீவைகுண்டம் அருகே மாவடிப்பண்ணை அரசு மேல்நிலைப்பள்ளி இயங்கி வருகிறது. இந்த பள்ளியில் சுற்று வட்டாரப் பகுதிகளில் உள்ள சுமார் 300க்கும் மேற்பட்ட மாணவ, மாணவிகள் கல்வி பயின்று வருகின்றனர். தினமும் பள்ளி நேரம் முடிந்ததும் பள்ளியின் நுழைவு வாயில் பூட்டு போடப்பட்டு மூடப்படும்.
பூட்டுக்கு மேல் பூட்டு:இந்த நிலையில் இன்று காலை பள்ளிக்கு சத்துணவு முட்டை வந்துள்ளது. எனவே பணியாளர் முட்டையை இறக்குவதற்காக வருகை தந்துள்ளார். அப்போது ஏற்கனவே பள்ளி சார்பில் போடப்பட்டிருந்த பூட்டுக்கு மேல் மற்றொரு பூட்டும் போடப்பட்டிருந்தது. இதனால் அதிர்ச்சி அடைந்த பணியாளர் இது குறித்து பள்ளி தலைமை ஆசிரியரை தொடர்பு கொண்டு பேசினார். ஆனால் ஒரு பூட்டு தான் பள்ளி நிர்வாகம் சார்பில் போடப்பட்டது என பள்ளி தலைமை ஆசிரியரை கூறியுள்ளார்.
பள்ளிக்கு வெளியில் காத்திருந்த மாணவர்கள்:இதற்கிடையில் காலையில் பள்ளிக்கு மாணவ, மாணவிகள் வருகை தர ஆரம்பித்தனர். அவர்கள் பள்ளி நுழைவு வாயிலில் பூட்டுப் போடப்பட்டிருந்தால் பள்ளிக்குள் போக முடியாமல் நீண்ட நேரம் வெளியே நிற்கும் நிலை உருவாகியுள்ளது.