கோயம்புத்தூர்: தமிழகத்தில் 2024-2025ஆம் கல்வி ஆண்டுக்கான 10,11 மற்றும் 12ஆம் வகுப்புகளுக்கான பொதுத்தேர்வு அட்டவணையை கோவையில் பள்ளிக் கல்வித்துறை அமைச்சர் அன்பில் மகேஷ் பொய்யாமொழி வெளியிட்டார். அதன்படி,12 ஆம் வகுப்பு மாணவர்களுக்கு வருகின்ற மார்ச் 3ஆம் தேதியும், 11ஆம் வகுப்பு மாணவர்களுக்கு மார்ச் 5ஆம் தேதியும் மற்றும் 10ஆம் வகுப்பு மாணவர்களுக்கு மார்ச் 28ஆம் தேதியும் பொதுத்தேர்வு தொடங்குகிறது என அறிவிக்கப்பட்டுள்ளது.
பொதுத்தேர்வு அட்டவணை:10,11 மற்றும் 12ஆம் வகுப்புகளுக்கான பொதுத்தேர்வு தேதிகள், செய்முறை தேர்வு தேதிகள் மற்றும் தேர்வு முடிவுகள் வெளியாகும் தேதிகள் என அனைத்தும் இன்று வெளியாகியுள்ள பொதுத்தேர்வு அட்டவணையில் இடம்பெற்றுள்ளது.
| வ.எண் | பொருள் | 12ஆம் வகுப்பு | 11ஆம் வகுப்பு | 10ஆம் வகுப்பு |
| 1 | பொதுத்தேர்வு தேதிகள் | 03.03.2025 முதல் 25.03.2025 | 05.03.2025 முதல் 27.03.2025 | 28.03.2025 முதல் 15.04.2025 |
| 2 | செய்முறை தேர்வு தேதிகள் | 07.02.2025 முதல் 14.02.2025 | 15.02.2025 முதல் 21.02.2025 | 22.02.2025 முதல் 28.02.2025 |
| 3 | தேர்வு முடிவுகள் | 09.05.2025 | 19.05.2025 | 19.05.2025 |
12ஆம் வகுப்பு பொதுத்தேர்வு அட்டவணை:12 ஆம் வகுப்பு மாணவர்களுக்கு வருகின்ற 2025ஆம் ஆண்டு மார்ச் மாதம் 3ஆம் தேதி தேர்வு துவங்கி, 25ஆம் தேதி முடிவடைகிறது.
| வ.எண் | தேதி | நாள் | பாடம் |
| 1 | 03.03.2025 | திங்கட்கிழமை | தமிழ் மற்றும் இதர மொழிப்பாடங்கள் |
| 2 | 06.03.2025 | வியாழக்கிழமை | ஆங்கிலம் |
| 3 | 11.03.2025 | செவ்வாய்க்கிழமை | கணிதம், விலங்கியல், வணிகம், மைக்ரோ பயலாஜி, ஊட்டச்சத்து மற்றும் உணவுமுறை, டெக்ஸ்டைல்ஸ் மற்றும் டிரஸ் டிசைனிங், உணவு சேவை மேலாண்மை, வேளாண் அறிவியல், நர்சிங் (பொது) |
| 4 | 14.03.2025 | வெள்ளிக்கிழமை | கம்யூனிகேட்டிவ் ஆங்கிலம், நெறிமுறைகள் மற்றும் இந்திய கலாச்சாரம், கணினி அறிவியல், கம்ப்யூட்டர் அப்ளிகேஷன், பயோ கெமிஸ்ட்ரி, அட்வான்ஸ் தமிழ், ஹோம் சயின்ஸ், அரசியல் அறிவியல், புள்ளிவிவரங்கள், நர்சிங் (தொழில்முறை), பேசிக் எலக்ட்ரிக்கல் இன்ஜினியரிங் |
| 5 | 18.03.2025 | செவ்வாய்க்கிழமை | உயிரியல், தாவரவியல், வரலாறு, வணிக கணிதம் மற்றும் புள்ளியியல், பேசிக் எலக்ட்ரானிக்ஸ் இன்ஜினியரிங், பேசிக் சிவில் இன்ஜினியரிங், பேசிக் ஆட்டோமொபைல் இன்ஜினியரிங், பேசிக் மெக்கானிக்கல் இன்ஜினியரிங், டெக்ஸ்டைல் டெக்னாலஜி, அலுவலக மேலாண்மை மற்றும் செயலகம் |
| 6 | 21.03.2025 | வெள்ளிக்கிழமை | வேதியியல், கணக்குப்பதிவியல், புவியியல் |
| 7 | 25.03.2025 | செவ்வாய்க்கிழமை | இயற்பியல், பொருளாதாரம், வேலை வாய்ப்பு திறன்கள் |