சென்னை:தமிழகத்தில் மொத்தம் 164 அரசு கலை மற்றும் அறிவியல் கல்லூரிகள் உள்ளன. இவற்றில் 2024 -25 ம் கல்வியாண்டுக்கான இளநிலை பட்டப்படிப்பு முதலாமாண்டு மாணவர்கள் சேர்க்கை சேர்க்கை மே 28ம் தேதி தொடங்கும் என்று அறிவிக்கப்பட்டுள்ளது. சிறப்பு ஒதுக்கீட்டு பிரிவினருக்கு மே 28ம் தேதி முதல் 30ம் தேதி வரையும், முதல் சுற்றுக் கலந்தாய்வு ஜூன் 10ம் தேதி முதல் 15ம் தேதி வரையில் நடைபெற உள்ளது.
இரண்டாம் சுற்றுக் கலந்தாய்வு ஜூன் 24ம் தேதி முதல் 29ம் தேதி வரையிலும் நடைபெற்று, முதலாம் ஆண்டு மாணவர்களுக்கான வகுப்புகள் ஜூலை 3ம் தேதி துவங்கும் என்று கல்லூரிக் கல்வி இயக்ககம் அறிவித்துள்ளது.
கடந்தாண்டைபோலவே மாணவர்கள் விரும்பும் கல்லூரிகளுக்கு விண்ணப்பம் செய்தப் பின்னர், ஒவ்வொரு கல்லூரிக்கும் தரவரிசைப் பட்டியல் தயார் செய்யப்பட்டு, கல்லூரியில் மாணவர்கள் சேர்க்கை நடத்தப்பட உள்ளது.
கடந்தாண்டு 1 லட்சத்து 11 ஆயிரத்திற்கும் மேற்பட்ட இடங்களில் இளநிலைப் பட்டப்படிப்புகளில் மாணவர்கள் சேர்க்கைக்கு அனுமதிக்கப்பட்டனர் என்பது குறிப்பிடத்தக்கது.
விண்ணப்பங்கள் வரவேற்பு:தமிழ்நாட்டில் உள்ள அரசு கலை மற்றும் அறிவியல் கல்லூரிகளில் 2024-25 ஆம் ஆண்டிற்கான இளநிலைப் பட்டப்படிப்பு முதலாமாண்டு மாணவர் சேர்க்கைக்கான விண்ணப்பங்கள் வரவேற்கப்படுகின்றன.
விண்ணப்பிக்க விரும்புவோர் www.tngasa.in என்ற இணையதள முகவரியில் மே 6ம் தேதி முதல் பதிவு செய்து வருகின்றனர்.
ஆன்லைன் மூலம் பதிவு செய்ய முடியாத மாணவர்கள், விண்ணப்பிக்க இயலாத மாணவர்கள் அரசு கலை மற்றும் அறிவியல் கல்லூரிகளில் உள்ள சேர்க்கை உதவி மையங்கள் மூலம் விண்ணப்பிக்க ஏற்பாடு செய்யப்பட்டுள்ளது. இம்மையங்களின் பட்டியல் www.tngasa.in என்ற இணையதள முகவரியில் வெளியிடப்பட்டுள்ளது. மேலும் 044 – 24343106 அல்லது 24342911 என்ற எண்ணில் தாெடர்புக் கொள்ளலாம்.
இதுவரை எவ்வளவு விண்ணப்பங்கள்:இந்த நிலையில் மே 6ம் தேதி முதல் 13ம் தேதி காலை 10 மணி வரையில் 1 லட்சத்து 34 ஆயிரத்து 400க்கும் மேற்பட்ட மாணவர்கள் விண்ணப்பம் செய்துள்ளனர். மாணவர்கள் மே 20 ந் தேதி வரையில் ஆன்லைன் மூலம் விண்ணப்பம் செய்யலாம். மாணவர்கள் பெற்ற மதிப்பெண்கள் அடிப்படையில் அவர்கள் பதிவு செய்த ஒவ்வொருக் கல்லூரிக்கும் தரவரிசைப் பட்டியல் மே 24 ந் தேதி அனுப்பப்படுகிறது.
அதனைத் தாெடர்ந்து மே 28ம் தேதி முதல் 30ம் தேதி வரையில் கல்லூரிகளில் மாற்றுத்திறனாளிகள், விளையாட்டு வீரர்கள், முன்னாள் ராணுவத்தினரின் வாரிசுகள், தேசிய மாணவர்படை, பாதுகாப்புபடை வீரர்களின் வாரிசுகளுக்கான சிறப்பு பிரிவு கலந்தாய்வு நடைபெறுகிறது.
கலை மற்றும் அறிவியல் கல்லூரியில் சேர்வதற்கான முதல் சுற்றுக் கலந்தாய்வு ஜூன் 10ம் தேதி முதல் 15ம் தேதி வரையிலும், 2ம் சுற்றுக் கலந்தாய்வு ஜூன் 24ம் தேதி முதல் 29ம் தேதி வரையிலும் நடத்தப்படுகிறது. முதலாம் ஆண்டு மாணவர்களுக்கான வகுப்புகள் ஜூலை 3ம் தேதி துவங்கும் எனவும் அறிவிக்கப்பட்டுள்ளது.
இதையும் படிங்க: அறிக்கை ரெடி... நெல்லை விரையும் ஐஜி... ஜெயக்குமார் வழக்கில் அடுத்தது என்ன? - Jayakumar Case Report
