திருப்பத்தூர்: திருப்பத்தூர் அடுத்த இருனாப்பட்டு கிராமத்தில் எகிலேரி என்ற நீரோடை உள்ளது. இந்த நீரோடையை ஒட்டி ஆண்டியப்பனூர் பகுதியைச் சேர்ந்த சத்தியமூர்த்தி (முன்னாள் ஊராட்சி மன்ற தலைவர்) என்பவருக்கு சொந்தமாக தென்னந்தோப்பிலான நிலம் உள்ளது. இவர் அடிக்கடி தனது நிலத்திற்கு சென்று வருவது வழக்கம்.
இந்த நிலையில், சத்தியமூர்த்தி வழக்கம்போல கடந்த 5ஆம் தேதி தன்னுடைய நிலத்திற்கு சென்றுள்ளார். அப்போது அந்த எகிலேரி நீரோடையில், சந்தேகத்துக்குரிய வகையில் எலுமிச்சம்பழம், மஞ்சள், குங்குமம், பூ, தேங்காய் உள்ளிட்ட பூஜை பொருட்களை வைத்து மர்ம நபர்கள் யாரோ மாந்திரீக பூஜை செய்துள்ளதாக தெரிகிறது.
குறிப்பாக, அங்கு பள்ளம் தோண்டி ஏதோ உடலை புதைத்து வைத்தது போல் அடையாளங்களும் தென்பட்டன. இதன் காரணமாக அப்பகுதி மக்கள் மண்ணில் புதைந்திருப்பது என்னவென்று தெரியாமல் பீதி அடைந்திருந்தனர். இது குறித்து கிராம நிர்வாக அலுவலர் வடிவேல் குருசிலாப்பட்டு காவல் நிலையத்தில் புகார் அளித்துள்ளார்.
இதையும் படிங்க:மடிப்பாக்கம் சிலிண்டர் விபத்து: இளம்பெண் லின்சி உயிரிழந்த சோகம்..!