திண்டுக்கல்: முருகப் பெருமானின் அறுபடை வீடுகளில் 3ஆம் படை வீடான பழனியில் 'அனைத்துலக முத்தமிழ் முருகன் மாநாடு' இன்றும், நாளையும் என 2 நாட்கள் நடைபெற்று வருகிறது. இந்த மாநாட்டிற்கு கடந்த 20 நாட்களுக்கு மேலாக முன்னேற்பாட்டு பணிகள் நடைபெற்று வந்த நிலையில், மாநாட்டுக்கு வருகை தரும் முக்கிய பிரமுகர்கள், அரசியல் தலைவர்கள், அரசு அதிகாரிகள், அமைச்சர்கள், ஆதீனங்கள், உள்நாட்டு மற்றும் வெளிநாட்டு பிரமுகர்கள் மற்றும் பக்தர்கள், பொதுமக்கள் ஆகியோருக்கு இரண்டு நாட்களுக்கு மூன்று நேரம் இலவச உணவு வழங்க இந்து சமய அறநிலைத்துறை சார்பில் ஏற்பாடு செய்துள்ளது.
இதற்காக பிரத்யேகமாக எட்டு இடங்களில் உணவுக் கூடங்கள் அமைக்கப்பட்டு, 500க்கும் மேற்பட்ட சமையல் கலைஞர்கள் பிரமாண்டமாக உணவு சமைத்து வருகின்றனர். வெளிநாட்டவர்களுக்குத் தேவையான உணவு வகைகள், உள்நாட்டு பிரமுகர்களுக்குத் தேவையான உணவு வகைகள் என பல்வேறு விதங்களில் பல்வேறு வகைகள் உணவுகளை தயார் செய்யும் பணியில் கலைஞர்கள் ஈடுபட்டு வருகின்றனர்.
வெளிநாட்டில் இருந்து மாநாட்டுக்கு கலந்து கொள்ளும் பக்தர்களுக்கு காலை உணவாக ஷாஹி துக்டா, இளநீர் இட்லி, தஞ்சாவூர் மிளகு முந்திரி பொங்கல், நெய், பொடி ரோஸ்ட், பன்னீர் பூஜ்ஜியா, மோதி பூரி என காலை உணவாகவும், இரவு உணவாக ஹாட் பாம்பே ஜாங்கிரி, பனைவெல்லம் மைசூர்பா, வெஜ் மஞ்சூரியன், மினி ஆனியன் சமோசா, தக்காளி சாஸ், காஞ்சிபுரம் இட்லி, கருவேப்பிலை குழம்பு, மைசூர் மசாலா தோசை, வெஜ் ஆம்லெட், உடுப்பி கி சாம்பார்,