"வணிகவரித்துறை அலுவலக செயல்பாடுகள் ரூ.5.48 கோடி செலவில் மேம்படுத்தப்படும்" - அமைச்சர் பி.மூர்த்தி அறிவிப்பு! - TN Assembly Session 2024

TN Commercial Taxes and Registration Department: பணி பளு மிகுந்த சார்பதிவாளர் அலுவலகங்களைப் பிரித்து புதியதாக சார்பதிவாளர் அலுவலகங்கள் தோற்றுவிக்கப்படும் என்பன உள்ளிட்ட 23 அறிவிப்புகளை வணிகவரி மற்றும் பத்திரப்பதிவுத்துறை அமைச்சர் பி.மூர்த்தி சட்டப்பேரவையில் வெளியிட்டுள்ளார்.

சென்னை: தமிழ்நாடு சட்டப்பேரவையில் பல்வேறு துறைகள் மீதான மானியக் கோரிக்கைக்கான விவாதம் கடந்த 20ஆம் தேதி தொடங்கியது. அந்த வகையில், சட்டப்பேரவையில் நேற்று (ஜூன் 26) வணிகவரி மற்றும் பத்திரப் பதிவுத்துறையின் அமைச்சர் பி.மூர்த்தி 23 புதிய அறிவிப்புகளை வெளியிட்டுள்ளார். அவை பின்வருமாறு:-

வணிகவரி:

• வணிகவரித்துறை அலுவலகங்களில் பணி செயல்பாடுகள் ரூ.5.48 கோடி செலவில் மேம்படுத்தப்படும்.
• வணிகவரித்துறையில் உள்ள ஏழு மண்டல பயிற்சி மையங்களில், கணினி வழி பயிற்சி வழங்குவதற்குத் தேவையான கணினி உபகரணங்கள் ரூ.4.93 கோடி செலவில் கொள்முதல் செய்யப்படும்.
• கடலூர் கோட்டத்திற்குட்பட்ட பழமையான நிலையில் உள்ள கடலூர் ஒருங்கிணைந்த வணிகவரி கட்டடத்தினை இடித்து புதிய வணிகவரி கட்டடம் ரூ.3 கோடி செலவில் கட்டப்படும்.
• திருவள்ளூர் கோட்டத்திற்குட்பட்ட அலுவலகங்களுக்கு புதிய ஒருங்கிணைந்த வணிகவரி அலுவலக கட்டடம் ரூ.22 கோடி செலவில் கட்டப்படும்
• சேலத்தில் உள்ள ஒருங்கிணைந்த வணிகவரி அலுவலக கட்டட வளாகத்தில் சேலம் நுண்ணறிவு கோட்டத்திற்கு புதிய கட்டடம் ரூ.84 கோடி செலவில் கட்டப்படும்.
• சேலம் கோட்டத்திற்குட்பட்ட 3 வரிவிதிப்பு வட்டங்களுக்கு ஒருங்கிணைந்த வணிகவரி அலுவலக கட்டடம் ரூ.6 கோடி செலவில் கட்டப்படும்.
• மதுரை கோட்டத்திற்குட்பட்ட பழமையான நிலையில் உள்ள வணிகவரி வளாக இணைப்பு கட்டடத்தினை இடித்து புதிய வணிகவரி அலுவலக கட்டடம் ரூ.6.30 கோடி செலவில் கட்டப்படும்.
• மதுரை கோட்டத்திற்குட்பட்ட தேனியில் ஒருங்கிணைந்த வணிகவரித்துறை அலுவலக கட்டம் ரூ 6.30 கோடியில் கட்டப்படும்.
• விருதுநகர் கோட்டத்திற்குட்பட்ட அலுவலகங்களுக்கு விருதுநகர் (நுண்ணறிவு) கோட்ட ஒருங்கிணைந்த வணிகவரி அலுவலக கட்டடத்தில் கூடுதல் தளங்கள் ரூ.4.60 கோடி செலவில் கட்டப்படும்.
• காஞ்சிபுரம் கோட்டத்திற்கு உட்பட்ட அலுவலகங்களுக்கு காஞ்சிபுரத்தில் புதிய ஒருங்கிணைந்த வணிகவரி அலுவலக கட்டடம் ரூ.4.20 கோடி செலவில் கட்டப்படும்.
• மதுரையில் உள்ள பிராந்திய கோட்ட வணிகவரி பணியாளர் பயிற்சி நிலைய கட்டடம் ரூ.3.29 கோடி செலவில் புனரமைக்கப்பட்டு, அக்கட்டடத்திற்கு கூடுதலாக ஒரு தளமும் அமைக்கப்படும்.
• வேலூர் கோட்டத்திற்குட்பட்ட ஆம்பூர் உதவி ஆணையர் அலுவலகத்திற்கு புதிய வணிகவரி அலுவலக கட்டடம் ரூ.1.70 கோடி செலவில் கட்டப்படும்.
• திருச்சி கோட்டத்திற்குட்பட்ட அறந்தாங்கி மாநில வரி அலுவலர் அலுவலகத்திற்கு புதிய வணிகவரி அலுவலக கட்டடம் ரூ.1.52 கோடி செலவில் கட்டப்படும்.
• விருதுநகர் கோட்டத்திற்குட்பட்ட பரமக்குடி மாநில வரி அலுவலர் அலுவலகத்திற்கு புதிய வணிகவரி அலுவலக கட்டடம் ரூ.1.38 கோடி செலவில் கட்டப்படும்.
• சென்னை கிரீம்ஸ் சாலையில் உள்ள பேரறிஞர் அண்ணா பவள விழா நினைவு இணைப்பு கட்டடத்தில் இயங்கி வரும் இரண்டு மின்தூக்கிகள் (Lift) ரூ.59 லட்சம் செலவில் புதுப்பிக்கப்படும்.
• ஈரோடு கோட்டத்திற்கு உட்பட்ட கரூர் ஒருங்கிணைந்த வணிகவரி அலுவலக கட்டடத்தில் பராமரிப்பு பணிகள் ரூ.26 லட்சம் செலவில் மேற்கொள்ளப்படும்.

பத்திரப்பதிவுத்துறை:

• பதிவுத்துறைக்கு ரூ.100 கோடி செலவில் 96 புதிய பதிவுத்துறை அலுவலக கட்டடங்கள் கட்டப்படும்.
• கும்பகோணம் மற்றும் விருத்தாசலம் ஆகிய மாவட்டங்களில் மாவட்ட பதிவாளர் (தணிக்கை) பணி அமைப்புகள் உருவாக்கப்படும்.
• பணி பளு மிகுந்த சார்பதிவாளர் அலுவலகங்களைப் பிரித்து புதியதாக சார்பதிவாளர் அலுவலகங்கள் தோற்றுவிக்கப்படும்.
• பதிவுத்துறைத் தலைவர் அலுவலகத்திற்கு என்று LAN இணைப்பு ஏற்படுத்தப்படும்.
• தணிக்கை மாவட்ட பதிவாளர்கள் மற்றும் பொதுப்பணித் துறையில் இருந்து பகராண்மையில் நியமனம் செய்யப்பட்ட உதவி செயற்பொறியாளர்கள் ஆகியோருக்கு புதிய வாகனம் வாங்கப்படும்.
• அரசு கட்டடங்களில் இயங்கி வரும் சார்பதிவாளர் அலுவலகங்களின் கட்டமைப்புகள் நவீனப்படுத்தப்படும்.
• சென்னை ராஜாஜி சாலையில் உள்ள பாரம்பரிய கட்டடத்தில் பதிவுத்துறைக்கு நவீன கூட்ட அரங்கம் (CONFERENCE HALL) மற்றும் அருங்காட்சியகம் அமைக்கப்படும்.

இதையும் படிங்க:திமுக ஆட்சியில் கோயில்களுக்குச் சொந்தமான 4,840.92 ஏக்கர் நிலங்கள் மீட்பு - அமைச்சர் சேகர்பாபு தகவல்