சென்னை: கல்வராயன் மலைப்பகுதி மக்களின் சமூக, பொருளாதார மேம்பாடு தொடர்பான வழக்கை சென்னை உயர்நீதிமன்றம் தாமாக முன்வந்து விசாரணைக்கு எடுத்தது. மேலும், அந்தப் பகுதியில் செய்யப்பட்டுள்ள போக்குவரத்து ஏற்பாடுகள் குறித்து சேலம் மற்றும் விழுப்புரம் கோட்ட மேலாண் இயக்குநர்கள் ஆஜராகி விளக்கமளிக்கவும் உத்தரவிட்டிருந்தது.
இந்நிலையில், இந்த வழக்கு இன்று(அக்.22) நீதிபதிகள் எஸ்.எம்.சுப்ரமணியன், சிவஞானம் ஆகியோர் அடங்கிய அமர்வில் மீண்டும் விசாரணைக்கு வந்தது. அப்போது, சேலம் போக்குவரத்துக் கழக மேலாண் இயக்குனர் நேரில் ஆஐராகி அறிக்கை தாக்கல் செய்தார்.
இதையடுத்து அரசு தார்பில் கூடுதல் அரசு தலைமை வழக்கறிஞர் ரவீந்திரன் ஆஜராகி, போக்குவரத்து வசதிக்கான சாலை அமைக்க டெண்டர் கோரப்பட்டுள்ளது. டெண்டர் இறுதி செய்யப்பட்டதும் 6 மாதங்களில் சாலைப்பணிகள் முடிந்து பேருந்துகள் இயக்கப்படும். குறிப்பாக, 5 இடங்கள் அடையாளம் காணப்பட்டு பணிகள் தொடங்க உள்ளது என தெரிவித்தார்.
இதையும் படிங்க :தீவுத் திடலில் கூட்டுறவு சங்கம் மூலம் பட்டாசு கடை.. டெண்டர் மற்றும் கடை வாடகை விவரம்!