பொதுமக்களையும் போலீசையும் இணைத்து வாட்ஸ் அப் குழுக்கள் - அசத்தும் மதுரை மாநகர போலீஸ்! - people and police WhatsApp groups

people and police WhatsApp groups: மதுரையில் நடைபெறும் குற்றச்சம்பவங்களைத் தடுக்கும் வகையில், பொதுமக்களையும், காவல்துறையையும் இணைத்து 100 வார்டுகளில் வாட்ஸ் அப் குழுக்களை தொடங்கி இருப்பதாக மதுரை மாநகர காவல் ஆணையர் ஜெ.லோகநாதன் தெரிவித்துள்ளார்.

மதுரை:மதுரை மாநகர காவல்துறை சார்பாக பொதுமக்கள் அளிக்கும் தகவலின் அடிப்படையில் குற்றச் செயல்களை தடுக்கும் பொருட்டு மாநகராட்சிக்கு உட்பட்ட 100 வார்டுகளிலும் பொதுமக்கள் மற்றும் காவல் துறையினரை இணைக்கும் வகையிலான வாட்ஸ் அப் குழுக்களை மாநகர காவல் ஆணையர் ஜெ.லோகநாதன் தொடங்கி வைத்தார்.

இந்த வாட்ஸ் அப் குழுக்களில் அந்தந்த காவல் நிலைய எல்லைக்கு உட்பட்ட காவல் ஆய்வாளர்கள் மற்றும் வார்டு பொறுப்பாளராக நியமிக்கப்பட்டுள்ள காவலர்கள், குடியிருப்பு நலச்சங்க நிர்வாகிகள், அரசு துறையில் பணிபுரிவோர், கிராம நிர்வாக அலுவலர்கள், வியாபாரிகள், ஆட்டோ ஓட்டுநர்கள் மற்றும் பொதுமக்கள் இடம் பெற்றிருப்பர் எனவும் இந்தக் குழுக்களில் பொதுமக்கள் தங்கள் பகுதிகளில் நடைபெறும் சட்ட ஒழுங்கு பிரச்சினைகள், சமூக விரோதிகள் நடமாட்டம், போதைப் பொருட்கள் விற்பனை தொடர்பான தகவல்கள், பெண்கள் மற்றும் குழந்தைகளுக்கு எதிரான பாலியல் குற்றங்கள் பற்றிய தகவல்களை தெரிவிக்கலாம் என அறிவுறுத்தப்பட்டுள்ளது.

பொதுமக்கள் குறைதீர் முகாம் (Credits - ETV Bharat Tamil Nadu)

மேலும் இந்த வாட்ஸ் அப் குழுவில் வணக்கம் மற்றும் வாழ்த்து செய்திகள், அரசியல் பதிவுகள், ஜாதி மற்றும் மதங்களுக்கு எதிரான பதிவுகள் உள்ளிட்டவைகளை பகிரக்கூடாது எனவும் அறிவுறுத்தப்பட்டுள்ளது. பொதுமக்கள் ஏதேனும் ரகசிய தகவல்களை வாட்ஸ்அப் குழு அட்மின் மூலமாக தனியாக அனுப்பலாம் எனவும், ஒவ்வொருவரின் தகவல் மற்றும் தகவல் அளித்தோர் குறித்த விவரங்களும் ரகசியம் காக்கப்படும் எனவும் காவல் ஆணையர் கூறியுள்ளார். மதுரை மாநகர காவல் துறை மேற்கொண்டுள்ள இந்த முயற்சி பொதுமக்கள் மத்தியில் பெரும் வரவேற்பை பெற்றுள்ளது.

பொதுமக்கள் குறைதீர் முகாம் (Credits - ETV Bharat Tamil Nadu)

இதையும் படிங்க:நடிகர் சூரியின் ஹோட்டலால் இலவச உணவுக்கு உள்ளே அனுமதி மறுப்பா? மதுரை அரசு மருத்துவமனையில் நடப்பது என்ன? - Madurai GH