விழுப்புரம்:விழுப்புரம் மாவட்டம் உளுந்தூர்பேட்டை அருகேயுள்ள எறையூர் பகுதியைச் சேர்ந்த டேவிட் வில்சன் மற்றும் ஆண்டனி பிரேம்குமார், பவுல்ராஜ் ஆகிய மூவரும் நேற்று இரவு இருசக்கர வாகனத்தில் பட்டாசுகளை எடுத்துக்கொண்டு வீட்டிற்கு சென்று கொண்டிருந்ததாகக் கூறப்படுகிறது.
அப்போது வழியில் சிலர் பட்டாசு வெடித்துக் கொண்டிருந்த போது அதில் வெளியான தீப்பொறி இருசக்கர வாகனத்தில் வைக்கப்பட்டிருந்த பட்டாசுகளின் மீதும் விழுந்து வெடித்தது. இதில் டேவிட் வில்சன், ஆன்டனி பிரேம்குமார், பவுல்ராஜ் ஆகிய மூவரும் படுகாயம் அடைந்துள்ளனர்.
அப்பகுதி மக்கள் உடனடியாக மூன்று பேரையும் மீட்டு சேலம் அரசு மருத்துவமனைக்கு அவசர சிகிச்சைப் பிரிவில் அனுமதித்தனர். இதில் டேவிட்சன் (22) என்பவர் சிகிச்சை பலனின்றி உயிரிழந்துள்ளார். மேலும் இரண்டு இளைஞர்கள் படுகாயத்துடன் சிகிச்சைபெற்று வருகின்றனர். இதுகுறித்து எலவனாசூர்கோட்டை போலீசார் வழக்குப்பதிவு செய்து விசாரணை மேற்கொண்டு வருகின்றனர்.