மக்களவை தேர்தல் 2024 சாதனை படைத்த திருவள்ளூர் தொகுதி காங்கிரஸ் வேட்பாளர் சசிகாந்த் செந்தில்! - Lok Sabha Election Results 2024

Lok Sabha Election Results 2024 Live Updates: தமிழகம் மற்றும் புதுச்சேரி மொத்தமுள்ள 40 நாடாளுமன்ற தொகுதிகளில், திருவள்ளூர் தொகுதி காங்கிரஸ் வேட்பாளர் சசிகாந்த் செந்தில் 5.72 லட்சத்துக்கும் மேலான வாக்குகள் வித்தியாசத்தில் வெற்றி பெற்று, இத்தேர்தலில் அதிக வாக்குகள் வித்தியாசத்தில் வெற்றிப் பெற்றவர் என்ற சாநனையை படைத்துள்ளார். அதிக வாக்குகள் வித்தியாசத்தில் முன்னிலை வகிக்கும் வேட்பாளர்கள் மற்றும் குறைவான வாக்குகள் வித்தியாசத்தில் வெற்றியை நெருங்கும் வேட்பாளர்கள் குறித்த விவரங்களை இங்கு காண்போம்.

சென்னை:தமிழகம் மற்றும் புதுச்சேரி நாடாளுமன்ற தொகுதிகளில் அதிக வாக்குகள் வித்தியாசத்தில் முன்னிலை வகிக்கும் வேட்பாளர்கள் மற்றும் குறைவான வாக்குகள் வித்தியாசத்தில் வெற்றியை நெருங்கும் வேட்பாளர்கள் குறித்த விவரங்களை இங்கு காண்போம்.

18 ஆவது நாடாளுமன்ற மக்களவைத் தேர்தலுக்கான வாக்குப்பதிவு ஏப்ரல் 19 முதல் ஜூன் 1 ஆம் தேதி வரை நாடு முழுவதும் ஏழு கட்டங்களாக நடைபெற்று முடிந்தது. அன்றைய தினம் மாலையே தேர்தலுக்கு பிந்தைய கருத்துக்கணிப்பு முடிவுகள் வெளியாகின. இந்த நிலையில் வாக்கு எண்ணிக்கை இன்று (ஜூன் 4) நடைபெற்று வருகிறது. இரவு 7.30 மணி நிலவரப்படி, தமிழ்நாடு மற்றும் புதுச்சேரியில் உள்ள 40 தொகுதிகளிலும் திமுக கூட்டணி முன்னிலை வகித்து வரும் நிலையில், அதிக வாக்குகள் வித்தியாசத்தில் முன்னிலையில் இருக்கும் வேட்பாளர்கள் விவரம்:

திருவள்ளூர் நாடாளுமன்ற தனி தொகுதி:காங்கிரஸ் வேட்பாளர் சசிகாந்த் செந்தில் 796956 வாக்குகள் பெற்று 572155 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக தேமுதிக வேட்பாளர் நல்லதம்பி 223904 வாக்குகளுடன் இரண்டாம் இடத்தில் உள்ளார்.

திண்டுக்கல் நாடாளுமன்ற தொகுதி:மார்க்சிஸ்ட் கம்யூனிஸ்ட் கட்சி வேட்பாளர் சச்சிதானந்தம் 667391 வாக்குகள் பெற்று 4,41,899 வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக கட்சி வேட்பாளர் முஹம்மது முபாரக் 225492 வாக்குகள் பெற்று இரண்டாம் இடத்தில் உள்ளார்.

தூத்துக்குடி மக்களவைத் தொகுதி:திமுக வேட்பாளர் கனிமொழி 5,02,468 வாக்குகள் பெற்று 3,65,224 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் சிவசாமி வேலுமணி 1,37,244 வாக்குகளுடன் இரண்டாம் இடத்தில் உள்ளார்.

பெரம்பலூர் நாடாளுமன்ற தொகுதி:தி.மு.க.வேட்பாளர் கே.என்.அருண்நேரு 515911 வாக்குகள் பெற்று 3,35,980 வாக்கு வித்தியாசத்தில் முன்னிலையில் உள்ளார். அவருக்கு அடுத்தபடியாக அ.தி.மு.க.வேட்பாளர் சந்திரமோகன் 179931.வாக்குகளுடன் இரண்டாம் இடத்தில் உள்ளார்.

தஞ்சாவூர் நாடாளுமன்ற தொகுதி: திமுக வேட்பாளர் முரசொலி 4,79,979 வாக்குகள் பெற்று 3,04,427 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக தேமுதிக வேட்பாளர் சிவனேசன் 1,75,552 வாக்குகளுடன் இரண்டாம் இடத்தில் உள்ளார்.

திருச்சி நாடாளுமன்ற தொகுதி:மதிமுக வேட்பாளர் துரை வைகோ 4,30,214 வாக்குகள் பெற்று 2,53,144 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் கருப்பையா 1,77,070 வாக்குகளுடன் இரண்டாம் இடத்தில் உள்ளார்.

சிவகங்கை நாடாளுமன்ற தொகுதி:காங்கிரஸ் வேட்பாளர் கார்த்தி சிதம்பரம் 295141 வாக்குகள் பெற்று 138864 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் சேவியர் தாஸ் 156277 வாக்குகளுடன் இரண்டாம் இடத்தில் உள்ளார்.

சிதம்பரம் நாடாளுமன்ற தொகுதி:விடுதலை சிறுத்தைகள் கட்சி வேட்பாளர் திருமாவளவன் 423942 வாக்குகள் பெற்று 100,656 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் சந்திரகாசன்

323286 வாக்குகளுடன் இரண்டாம் இடத்தில் உள்ளார்.

ஆரணி நாடாளுமன்றத் தொகுதி:திமுக வேட்பாளர் தரணி வேந்தன் 309761 வாக்குகள் பெற்று 126388 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் கஜேந்திரன் 183373 வாக்குகளுடன் இரண்டாம் இடத்தில் உள்ளார்.

ஸ்ரீபெரும்புதூர் நாடாளுமன்ற தொகுதி:திமுக வேட்பாளர் டி.ஆர்.பாலு 576911 வாக்குகள் பெற்று 366651 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் பிரேம்குமார் 210260 வாக்குகளுடன் இரண்டாம் இடத்தில் உள்ளார்.

கன்னியாகுமரி பாராளுமன்ற தொகுதி:காங்கிரஸ் வேட்பாளர் விஜய்வசந்த் 4,35,159 வாக்குகள் பெற்று 1,57, 824 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக பாஜக வேட்பாளர் ராதாகிருஷ்ணன் 277335 வாக்குகளுடன் இரண்டாம் இடத்தில் உள்ளார்.

தேனி பாராளுமன்ற தொகுதி:திமுக வேட்பாளர் தங்கதமிழ்செல்வன் 456474 வாக்குகள் பெற்று 230512 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அமமுக வேட்பாளர் டிடிவி தினகரன் 126689 வாக்குகளுடன் இரண்டாம் இடத்தில் உள்ளார்.

மயிலாடுதுறை மக்களவைத் தொகுதி:காங்கிரஸ் வேட்பாளர் சுதா 516247 வாக்குகள் பெற்று 270417 வாக்குகள் வித்தியாசத்தில் முன்னிலையில் உள்ளார். அவருக்கு அடுத்தபடியாக அதிமுக வேட்பாளர் பாபு 245830 வாக்குகள் பெற்று இரண்டாம் இடத்தை பெற்றுள்ளார்.

குறைந்த வாக்குகள் வித்தியாசம்:விருதுநகர் தொகுதி காங்கிரஸ் வேட்பாளர் மாணிக்கம் தாகூர் 382876 வாக்குகள் பெற்று 4633 வாக்குகள் வித்தியாசத்தில் முன்னிலையில் உள்ளார். தேமுதிக வேட்பாளர் விஜய பிரபாகரன் 378243 வாக்குகளை பெற்றுள்ளார்.

இதையும் படிங்க:“பாஜகவில் பல தலைகள் உருளும் நிலை..” - திருமாவளவன் கடும் தாக்கு!