புதுச்சேரி:திண்டுக்கல் மாவட்டத்தை சேர்ந்தவர் சந்திரசேகர் (50). இவர் தனது மனைவி, மகன் சுதர்சன் மற்றும் மகள் உடன் கடந்த 7-ஆம் தேதி இரவு புதுச்சேரிக்கு, சுற்றுலா வந்துள்ளனர். அப்போது புதுச்சேரி நகர பகுதியான முத்துமாரியம்மன் கோயில் வீதியில், உள்ள ஒரு தனியார் விடுதியில் அறை எடுத்து தங்கியுள்ளனர்.
இந்த நிலையில் இன்று மதியம் அவர்கள் செக் அவுட் செய்யும் நேரம் என்பதால், விடுதி ஊழியர் வெகு நேரமாக கதவை தட்டி பார்த்த போது அவர்கள் கதவை திறக்கவில்லை. மாற்று சாவி கொண்டு கதவை திறந்து பார்த்த போது அவர்கள் 4 பேரும் உயிரிழந்து இருப்பது தெரியவந்தது.
இதனையடுத்து விடுதி ஊழியர் பெரிய கடை காவல் நிலையத்திற்கு தகவல் தெரிவித்தார். அதன் அடிப்படையில் சம்பவ இடத்திற்கு விரைந்து வந்த போலீசார், உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் அவர்கள் 4 பேரின் தற்கொலை குறித்து விசாரணை மேற்கொண்டு வருகின்றனர்.