மயிலாடுதுறை:மயிலாடுதுறை தனியார் திருமண மண்டபத்தில் பாஜக உறுப்பினர் சேர்க்கை ஆய்வுக்கூட்டம் நேற்று நடைபெற்றது. இந்த கூட்டம் பாஜக மாநில செயற்குழு உறுப்பினர் கோவி.சேதுராமன் தலைமையில் நடைபெற்ற நிலையில், பாஜக மாநில ஒருங்கிணைப்புக் குழுத் தலைவர் ஹெச்.ராஜா, விளையாட்டு மற்றும் திறன் மேம்பாடு பிரிவு மாநில தலைவர் அமர்பிரசாத் ரெட்டி ஆகியோர் சிறப்பு அழைப்பாளர்களாக பங்கேற்றனர்.
இந்த கூட்டத்தின் முடிவில் ஹெச்.ராஜா, செய்தியாளர்களை சந்தித்து பேசினார்.
இடஒதுக்கீடு குறித்து ராகுல்காந்தி கருத்து:"எதிர்க்கட்சி தலைவர் ராகுல்காந்தி அமெரிக்காவில் பேசியபோது பிற்படுத்தப்பட்ட, பட்டியலின மக்களுக்கு இப்போது இடஒதுக்கீடு அவசியமில்லை எனவே இடஒதுக்கீட்டை ரத்து செய்வது காங்கிரஸ் நோக்கம். அதே கருத்தை ஜவஹர்லால் நேரு, இந்திராகாந்தி, ராஜீவ்காந்தி பேசியுள்ளனர். எனவே காங்கிரஸ் ரத்தத்தில் இது ஊறிப்போனது.
ஹரியானாவில் பாஜக வெற்றி:அதனால்தான் ஹரியானா மக்கள் இந்த தேர்தலில் காங்கிரஸுக்கு நல்ல பாடம் புகட்டியுள்ளனர். 2019 தேர்தலில் பாஜக 40 எம்எல்.ஏ-க்கள் ஜெயித்து கூட்டணி ஆட்சி அமைத்தோம். இந்த தேர்தலில் பாஜக பெரும்பான்மை பெற்றுள்ளது.
ஹெச்.ராஜா பேட்டி (Credits- ETV Bharat Tamil Nadu) ஜம்மு - காஷ்மீரில் பாஜகதான் அதிக வாக்கு:ஜம்மு - காஷ்மீரில் காங்கிரஸ் கூட்டணியால் பெரும்பான்மை பெற்றுள்ளனர். ஆனால், இந்த தேர்தலில் தணிக்கையாக பார்த்தால் மிக அதிகமான வாக்குகள் பெற்று முதல் இடத்தில் இருப்பது பாஜக கட்சி. 370ஐ ரத்து செய்தது சரி என்பதை மக்கள் நிரூபித்து பாஜகவிற்கு வாக்களித்துள்ளனர்" என்றார்.
இதையும் படிங்க:அரசு பொதுத்துறை பணியாளர்களுக்கு நற்செய்தி.. தீபாவளி போனஸ் இவ்வளவா?
விசிகசீட்டுக்காக செய்கிறது:இதையடுத்து திமுகவை எதிர்த்து போராடும் கூட்டணிக் கட்சிகள் கூட்டணியை தொடர்வதாக எழுப்பப்பட்ட கேள்விக்கு, "விடுதலை சிறுத்தைகள் கட்சி திமுக கூட்டணியில் உள்ளதா? அதிக சீட்டுக்களை திருமாவளவன் பெறுவதற்காக பேச சொன்னதை பொதுச்செயலாளர் ஆதவ் அர்ஜுனா பேசியிருக்கிறார்.
டாஸ்மாக்கால் விதவைகள் அதிகமாக உள்ளனர்:அதிக விதவைகள் இருக்கும் மாநிலம் தமிழகம் என்று எம்.பி.கனிமொழி கூறியுள்ளார். விதவைகளை உற்பத்தி செய்வது அரசுதான். டாஸ்மாக்கை வைத்து விதவைகளை அதிகமாக பெருக்கி கொண்டுள்ளது தமிழக அரசு. சாராய விற்பனையில் கடந்த ஆண்டு 48 ஆயிரத்து 700 கோடி இலக்கு. இந்த வருடம் 54 ஆயிரம் கோடி இலக்கு நிர்ணயித்துள்ளனர்.
பாஜகவின் திரிபுரா வெற்றி: கடந்த தேர்தலில் திரிபுராவில் எங்களுக்கு ஒரு எம்.எல்.ஏ கூட இல்லை. 5 வருடத்தில் 46 எம்.எல்.ஏ. அதுதான் எங்கள் அனுபவம்.
தமிழக அரசு ஏர்ஷோவிற்கு வந்த மக்களுக்கு தண்ணீர் கொடுக்காமல் விட்டது. 5பேர் இறந்துள்ளனர். 250பேர் மருத்துவமனையில் உள்ளனர். இந்த அரசு இருப்பதற்கு என்ன உரிமை இருக்கிறது. மக்கள் பார்த்துக்கொண்டு இருக்கிறார்கள். கள்ளச்சாராய சாவுகள் உள்ள இந்த ஆட்சியை மக்கள் தூக்கி எரிவார்கள் என்று நான் நம்புகின்றேன்" என்றார்.
ஈடிவி பாரத் தமிழ்நாடு (Credits- ETV Bharat Tamil Nadu) ஈடிவி பாரத் தமிழ் வாட்ஸ்ஆப் சேனலில் இணையஇங்கே க்ளிக் செய்யவும்
